• |
  • 極速報價
  • |
  • 會員
  • 產品服務 / 串流版
  • 設定

18/05/2021

馬國明未求婚 湯洛雯︰唔鍾意驚喜

  • 加入最愛專欄
  • 收藏文章

  【晴報專訊】湯洛雯(靚湯)早前34歲生日,與男友馬國明在酒店Staycation慶祝,雖然馬明沒有趁機求婚,但靚湯笑言大家都並非浪漫之人,所以一定驚喜欠奉,似乎粉絲想靚湯榮升「馬太」,仍要耐心等候。

 

蕭正楠自稱由他一手撮合湯洛雯與馬國明,令湯洛雯怕醜尷尬。

 

  湯洛雯與蕭正楠前晚以《一笑渡凡間》古裝造型,演出《開心大綜藝》宣傳新劇。直播期間司儀森美追問靚湯嫁人傳聞,靚湯即笑說︰「關你咩事啫。」靚湯與蕭正楠在節目開始前受訪,她透露男友馬明原來是第一次去Staycation,但馬明沒有趁機求婚。她說︰「真係無,我從來無一刻諗過佢會求婚,因為我哋都唔係鍾意驚喜嘅人,好多嘢我哋都會預先同對方講,就算我鍾意食咩口味嘅蛋糕,我都會直接同佢講。」提到二人帶了情侶公仔去酒店,靚湯更為男友的公仔洗白白︰「我都唔知點解佢個公仔咁污糟,可能多塵啩。」靚湯昨日在社交網大曬胞妹湯樂瑤親手製作的生日蛋糕,靚湯公開「呼籲」妹妹不要減肥︰「唔該唔好再減肥,就嚟瘦到唔認得你,同埋唔想同你影相。」

 

湯樂瑤(右)與姐姐湯洛雯一樣省鏡。(IG圖片)

 

蕭正楠直認曾微調劇本

 

  另外,前無綫編劇阿茄在ViuTV節目《晚吹-又要威又要戴頭盔》中,力數無綫六宗罪,包括有藝員擅自改劇本,更有男主角臨場加插跪地喊戲影響劇情,導致編劇要改劇本遷就。蕭正楠坦言若拍攝時見到有細微位演得不順暢,微調劇本很正常︰「有啲對白,演員喺現場對過一次,覺得有咩唔順就改一改,會得到導演同意先改。」至於有男演員加插跪地喊戲,阿蕭笑說︰「如果係我,我一定唔會加自己戲,反而會改短。」

 

林穎彤強調沒有跟伍富橋復合。

 

  同場的林穎彤前晚在《開心大綜藝》扮學生妹,盛傳她跟前度伍富橋因拍劇日對夜對而復合,男方更揸車管接管送,不過林穎彤堅決否認︰「我哋無復合亦無聯絡,其實啲相係一個月前拍緊《十月初五的月光》嘅時候影,因為我哋演情侶,好多時都同場,所以先坐佢架車出發,引起誤會。」她笑言不想嚇怕屋企人才急急澄清︰「同埋佢(伍富橋)都要追女仔㗎嘛!」

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ