• |
  • 極速報價
  • |
  • 會員
  • 產品服務 / 串流版
  • 設定

20/05/2021

孖小鮮肉拍廣告 薛家燕回春開心流口水

  • 加入最愛專欄
  • 收藏文章

  【晴報專訊】薛家燕將於本月底榮升做嫲嫲,雖然她打算休息,等待乖孫出世,但她身為廣告寵兒,仍有不少廣告邀約。最近家燕姐接拍飲品廣告,由兒子石耀庭(Jackson)執導,Jackson更請來六呎高小鮮肉做男主角,雖然家燕姐沒有跟型男拖手仔,但不乏眼神交流,家燕姐更自爆不停「流口水」!

 

薛家燕與小鮮肉型男Daniel拍廣告,立即自覺青春不少。

 

  薛家燕在廣告中與型男Daniel合作,二人更撑枱腳飲果汁,問家燕姐可有回春感覺?她笑說:「Daniel有型又識做戲,因為廣告要表情十足,佢又做得幾好,睇番playback發覺我哋幾襯,我直情成個青春晒。」可有跟Daniel拖手仔?家燕姐搞笑說:「佢個眼神呢…我流口水呀,我哋眼神好多接觸,手仔就應該無掂到!」她坦言因疫情關係,與圈外男友已很久沒「拖手仔」:「我哋天各一方,惟有靠手機同電腦傾偈,希望可以快啲拖到手仔啦!」

 

「投訴」兒子執導要求高

 

薛家燕拍廣告時,大女石祐珊全程監場。

 

  另外,拍攝期間家燕姐要狂灌果汁落肚︰「起碼飲咗三支,搞到成日去廁所,但我本身鍾意飲果汁,拍完剩番啲我都唔捨得倒咗去,留番之後飲,所以愈飲愈多!」今次跟Jackson再次母子檔合作,家燕姐有感Jackson的要求一次比一次高︰「今次拍得幾開心同順利,Jackson一早做好晒準備功夫,所以準時收工。不過佢要求好高,上次要我做Captain Nancy打成十幾20次,今次佢嫌我飲果汁飲得唔靚,話要做啲誘人動作,我都唔知點解要誘人,所以要問下監製(大女石祐珊),佢兩個度好晒,有晒storyboard,話係客戶要求喎。」

 

轉載自: 晴報

etnet TV頻道現已登場,多元化財經及消閒影片輪流送上! ► 即睇

我要回應

放大顯示
周一加油站

精選文章

  • 生活
  • DIVA
  • 健康好人生