【晴報專訊】陳展鵬在劇集《逆天奇案》中，用紙摺成戒指向林夏薇求婚，相當浪漫。原來現實中陳展鵬曾用同一招向太太單文柔求婚，他笑言在劇中使用的紙戒指比老婆收到的更大隻。

劉佩玥與張頴康在劇中的親熱鏡頭，成網民熱話。

　　陳展鵬、林夏薇、黃智賢、蔣祖曼及劉佩玥等昨日宣傳《逆天奇案》，劇集總監製劉家豪即場宣布《逆天奇案》第三週七天跨平台總收視有26.6點，成「2021年兩綫劇集一周收視冠軍」；第11集七天跨平台總收視有27.7點，成為「2021年兩綫劇集單集收視冠軍」。

林夏薇大曬陳展鵬送上的紙製求婚戒指。

　　展鵬昨日重演劇中向林夏薇求婚一幕，他掏出一隻用紙摺成的巨型戒指送給女方，更笑說：「仲大隻過當年我向太太求婚嗰隻紙戒指。」事後展鵬笑言當年向單文柔求婚時，也是浪漫地用紙戒指：「紙戒指裏面寫咗啲字。（寫咗啲咩？）唔話你知，當然唔係寫『嫁畀我』咁簡單，起碼寫一層樓啦，哈哈！」原來《逆天奇案》編劇曾看過展鵬求婚的報道，所以將現實中的情節放入劇中，展鵬搞笑說：「估唔到求婚呢幕咁受歡迎，我要收番版權費。」

林夏薇獲封「國民女友」

　　至於女主角林夏薇在劇中演絕世好女友，更被觀眾封為「國民女友」，她開心說：「我覺得呢個新名好親切、好勁，好多謝網民支持，求婚呢幕仲成為內地網站熱門搜尋榜冠軍，好開心！」她希望日後內地會播映更多由她演出的劇集。