• |
  • 極速報價
  • |
  • 會員
  • 產品服務 / 串流版
  • 設定

11/06/2021

廁所怪招求婚冧掂梁諾妍 洪永城︰今年內行禮

  • 加入最愛專欄
  • 收藏文章

  【晴報專訊】37歲的洪永城(Tony)與長跑教練兼模特兒女友梁諾妍(Inez)拍拖兩年多,二人昨晨正式公告「我哋要結婚啦」,為娛樂圈帶來喜訊。Inez披露Tony失驚無神在家中廁所求婚,貫徹其鬼馬性格;至於Tony接受《晴報》訪問時,透露與未婚妻現時邊忙工作邊籌備婚禮。

 

 

  Tony與Inez昨日雙雙在社交網發文報喜,並分享早前拍下的結婚相。Tony留言︰「由一齊跑步到傾電話、睇日出、拍拖、不計劃的旅行、扮攰逃避跑步、通宵睇動漫、同居、到我們至愛Coco(愛犬)離世、到今日一齊攜手踏上我倆的新旅程。」他又發表愛的宣言︰「好在有你緊握我手,我希望一世都有你在身旁,追到你是我的僥倖,娶到你是我的福氣!Let's get married!」Inez亦發文稱︰「下半生手拖手,繼續一起跑下去,繼續跑去世界每個角落。」Inez受訪時,回想在家中廁所被求婚的經歷,既搞笑又感人︰「當時好多蝦碌嘢發生,佢喺屋企個廁所度求婚,我覺得好好笑,不過好係佢嘅style!」她指當晚Tony完成工作回家,即急急入廁所一段時間才出來︰「我人有三急,當我打開廁所門,原來佢布置咗一個攝錄機,又喺洗手盆度放咗啲微型燈泡,又有一束鮮花,鏡上又貼咗啲心形卡,仲寫上『MARRY ME?』。」

 

黃翠如感恩老友變人夫

 

Tony反傳統以T恤配煲呔影婚照,Inez的左手亦大騷婚戒。

 

  Inez即追問男友何解在廁所求婚︰「佢話知道我一定會去廁所,最好笑係佢拎隻戒指出嚟求婚時我真係好急,你等一等我去完廁所先,結果佢要等我辦完大事(大便)再求婚,我就say yes!」至於二人的婚照亦非常有創意,服裝及照片風格也充滿運動元素。Tony昨晚回應時,透露是在今年農曆新年後求婚成功,他說︰「之後我籌備監製嘅電視劇《凶宅清潔師》,Inez就專注健身中心搬舖同拍攝節目嘅事,依家一邊忙工作,一邊籌備婚禮,婚禮會喺今年內舉行,落實日子會開心share畀大家。」Inez昨晚也在IG發布限時動態感謝各界祝福。

 

一對準新人以山系造型拍攝婚照,二人手拖手,寓意今後一起笑住過。

 

  對於Tony爆婚訊,老友黃翠如發文感激Inez肯做洪太︰「雖然他有太多缺點,又污糟又煩又大男人,脾氣又差,好多諗法但好少實行,但係你唔要佢,無人要佢了。」另外,吳業坤(坤哥)昨日受訪時稱之前沒聽過Tony有結婚念頭,但見兩人感情穩定,踏入人生新一步值得祝福。

 

黃翠如(右)日前與Tony舊愛唐詩詠為知名公關鄭紹康慶生。(IG圖片)

 

轉載自: 晴報

全新消閒節目《周一加油站》,幫你踢走悶氣,重新注入元氣! ► 即睇

我要回應

你可能感興趣

放大顯示

精選文章

  • 生活
  • DIVA
  • 健康好人生