• |
  • 極速報價
  • |
  • 會員
  • 產品服務 / 串流版
  • 設定

15/06/2021

賣萌拍廣告合唱《熱到除3》 古天樂ERROR跳舞鬥騎呢

  • 加入最愛專欄
  • 收藏文章

  【晴報專訊】古天樂(古仔)早前與「宇宙天團」ERROR拍攝廣告,身為影壇大亨的古仔拋下Mr. Cool形象玩到盡,在鏡頭前扭腰跳舞、嘟嘴兼以沙槌打肥仔(梁業)肚腩,193(郭嘉駿)更大膽在古仔面前跳《今期流行》拜神舞,瘋狂互動爆笑彈,不少粉絲跪求古仔帶ERROR殺入影圈!

 

 

  一向樂於提攜後輩的古天樂,上月到九展欣賞人氣男團MIRROR演唱會,原來近日他更與搞笑組合ERROR、《ERROR自肥企画》的Agent.L(曹梓冲)及盧覓雪合作拍攝餐飲外賣平台廣告,全長約三分鐘的短片於昨午在網上發布。片段開始,肥仔瞓在地上高喊「好熱好熱」,Agent.L繼續黑衫黑超「實Q」造型上陣高呼「secured」,193則手持風扇說︰「無錯!佢就係我『實Q』,知我咩料啦!」

 

193捉實肥仔,讓古仔輕鬆欺凌肥仔,場面搞笑。(網上截圖)

 

  鏡頭一轉,古仔坐在雪櫃隔籬問193︰「咁你又知唔知我咩料呀?肥Doi(肥仔),去開冷氣。」古仔更用手拍打肥仔臉孔,此時盧覓雪出場問︰「係咪熱呀?邊個要雪雪?」眾人直指古仔,古仔無奈道︰「真係正到不得了!」眾人即起哄叫古仔熱就除衫,搞到古仔反問︰「咩廣告嚟㗎,成日叫人除衫。」

 

古仔與一班拍檔合作愉快,盧覓雪(右二)面對型男更自稱怕醜。(FB圖片)

 

阿Dee想請古仔隊啤

 

193表演《今期流行》拜神舞,騎呢程度不遜於古仔的原裝版本。(網上截圖)

 

  其後,眾人一邊輪流玩「除衫」,一邊高唱廣告主題曲《熱到除3》,古仔更激罕落力舉手扭腰跳舞,193則刻意在古仔面前跳《今期流行》經典拜神舞,古仔見狀即扮嬲踢開對方。此外,古仔對肥仔「情有獨鍾」,不但捉實肥仔,又用沙槌打肥仔肚腩「奏樂」,可謂完美融入ERROR。最後古仔嗌cut拉隊收工,肥仔即拋下一句︰「我請食沙律。」擺明「靚抽」吳保錡與女友張沛樂(沙律)。

 

古仔難得放下「影壇大亨」身段,瘋狂扭腰。(網上截圖)

 

  古仔昨日在IG留言說︰「ERROR首夏日新歌搵咗我嚟唱兩嘴,都係幾過癮嘅。」193亦在IG提及古仔︰「依家知古天樂咩料喇,連我實Q都搶埋。」阿Dee(何啟華)則發帖「搲撈」︰「作為一個演員,無時無刻都要準備好,古生今次可能係嚟casting㗎!上大銀幕指日可待。(古仔)幾時搵我哋去拍戲呀,最多請你飲啤酒吖。」粉絲大讚古仔與ERROR是香港最強組合,又希望古仔再拍笑片。

 

 

轉載自: 晴報

etnet TV頻道現已登場,多元化財經及消閒影片輪流送上! ► 即睇

我要回應

你可能感興趣

放大顯示
周一加油站

精選文章

  • 生活
  • DIVA
  • 健康好人生