【晴報專訊】胡杏兒今年四月誕下孻仔李奕宏（Liam），一坐完月便馬不停蹄趕返內地拍劇；而杏兒繼去年帶二仔李奕霖（Ryan）返內地工作後，今次再帶Ryan同行。有報道指杏兒當年因工作關係少見大仔，及後遭大仔冷落而情緒失控抑鬱爆喊，所以現在不怕辛苦，堅持攜子開工，不過杏兒昨日回應《晴報》時，坦言對報道感莫名其妙，強調自己沒有情緒問題。

　　身為「三料視后」的胡杏兒，雖然已婚兼育有三名兒子，但杏兒沒有放棄事業，反而在內地發展愈來愈順利，工作機會接踵而來。除了拍劇及上綜藝節目外，去年大肚杏兒攜二仔Ryan，返內地參加演技真人騷《演員請就位2》，結果成功奪冠，演技獲大眾認同。雖然杏兒今年四月誕下細仔Liam，一家五口幸福滿瀉，但事業心重的她待細仔滿月後不久，便趕往內地開工，今次亦再度帶現年兩歲的二仔Ryan結伴同行。有指杏兒今次會離港四個月，逗留北京及天津等地拍劇，連早前細仔出世滿100日，她亦只能透過視像與家人慶祝，而她為了讓細仔能繼續飲用母乳，寧願辛苦也要邊拍戲邊揼奶，將母乳冰鮮速遞返港。

杏兒北上搵銀，Philip在港做湊仔公，一家慶祝孻仔出生100日，靠視像影另類全家福。

網民留言鼓勵

杏兒的三位公子顏值超高，眼大大精靈可愛。

　　杏兒兩度帶二仔北上工作，不少粉絲都戥她辛苦，近日有報道稱杏兒此舉有苦衷。杏兒自17年憑劇集《那年花開月正圓》在內地爆紅，及後因誕下大仔李奕霆（Brendan）而暫停工作，至19年才復工拍內地劇《末代廚娘》。有指杏兒拍完《末代廚娘》返港後，發現當時一歲的大仔只親近工人姐姐，對媽咪杏兒表現冷淡，報道指杏兒因此十分傷心，更一度情緒失控爆喊，嚇親老公李乘德（Philip）。Philip不忍老婆傷心，也不想阻止老婆繼續追夢，逐提議杏兒帶二仔開工，可以一邊工作，一邊增進母子感情。不少網民留言支持杏兒指「做父母真的很艱難，杏兒加油」、「難怪唷，兒子長大後要孝順媽媽」。

目前身在內地的Ryan，經常與哥哥Brendan（右上角）視像解相思。

盡量親自湊仔

杏兒去年返內地參加真人騷，首次帶二仔Ryan陪同開工。

　　去年杏兒首度帶二仔北上，結果湊仔之餘更在《演員請就位2》贏出比賽。眼見家庭事業同樣兼顧，所以今次杏兒決定再帶囝囝一齊開工。不過，杏兒昨日回應本報時卻表示︰「呢個報道咁莫名其妙嘅，都唔知邊度出嚟？我自己從來都無抑鬱症喎！我一直都生活得好開心，只要我喺香港嘅時候，我大部分時間都係自己湊小朋友，反而工人姐姐好少湊。」