• |
  • 極速報價
  • |
  • 會員
  • 產品服務 / 串流版
  • 設定

22/07/2021

無聽聞組女團撼MIRROR 炎明熹稱要向鏡仔學習

  • 加入最愛專欄
  • 收藏文章

  【晴報專訊】《聲夢傳奇》三料冠軍炎明熹(Gigi),昨日聯同姚焯菲(Chantel)及鍾柔美(Yumi),到中環出席手袋品牌活動。提到公司有意撮合她們和文凱婷(Aeren)組成女團,力撼人氣男團MIRROR,對此Gigi謙稱鏡仔是她們的前輩,只會向他們學習,不會視之為勁敵。

 

(左起)炎明熹、鍾柔美及姚焯菲首次出席品牌活動搵真銀。

 

  炎明熹、姚焯菲及鍾柔美昨日到中環出席活動,吸引近20位粉絲冒雨到場支持,今次是三人比賽後首個品牌活動,她們均異口同聲表示不清楚活動酬勞。盛傳有唱片公司有意拉攏她們組成女團,Chantel說︰「我唔清楚,依家忙緊追番啲功課,同埋八月嘅演唱會。」問到Yumi可有興趣組成女團時,她亦模稜兩可地答︰「我哋都唔係好清楚,順其自然啦。」問到Gigi喜歡「單飛」還是組女團發展?她說︰「兩樣嘢各有唔同,組團大家一齊會開心啲,但單飛就學到另一啲嘢。(有傳你哋組成女團嚟撼MIRROR?)佢哋係我哋前輩,我哋要跟佢哋學習,無話對撼嘅!」

 

MIRROR近日人氣爆燈!

 

  提到無綫副總經理曾志偉已表明會開劇力捧15位《聲夢》學員,並預告將於下月底開拍以追夢為題的劇集《青春的我》,Chantel直言唱歌及拍劇可同時進行,「我們年紀仲細,可以透過拍劇累積感情;唱歌要有感情,如果拍劇攞到啲經驗,相信對唱歌會有幫助。」

 

Chantel強調無樓揸手

 

昨日約有十多位粉絲冒雨到現場支持。

 

  另外,有傳Chantel輸掉比賽但獲父親送贈二千萬豪宅「呵番」,她笑笑口表示︰「唔係送畀我,只係爸爸嘅投資。(佢有送樓畀你?)無,我無物業。」三人仍在求學階段,剛勝出比賽的Gigi強調會做回學生本份,她亦透露有不少同學傳信息祝賀自己,並相約她食飯慶祝;而將升讀中四的Yumi坦言,剛參賽時的確影響學業,不過後來急起直追,成績已略有進步。

 

轉載自: 晴報

etnet TV頻道現已登場,多元化財經及消閒影片輪流送上! ► 即睇

我要回應

你可能感興趣

放大顯示
保哥快趣煮

精選文章

  • 生活
  • DIVA
  • 健康好人生