【晴報專訊】張敬軒（軒仔）的15歲愛犬「妹妹」前晚離世，軒仔於社交網留言︰「今日（前日）傍晚七點，妹妹畢業了，佢見勻晒所有屋企人，一切都好平靜。十五歲幾，對於哥基嚟講，已經好叻好叻了。佢由細到大都好勇敢，好倀雞，好曳。可能因為佢咁嘅性格，先至一次又一次咁樣喺鬼門關衝番出嚟。」軒仔亦不忘感謝醫護人員的醫治和照顧，令「妹妹」臨終前沒有受到太多折磨。

軒仔對於「妹妹」沒有受到太大折磨而感到欣慰。（IG圖片）

　　另外，軒仔主持的節目《軒公敲碗之軒公不設防》前晚播出，請來梁祖堯、強尼及七仙羽（七師傅）擔任嘉賓。軒仔大讚七師傅有亞熱帶風情的美，七師傅聞言即追問︰「咁你會唔會娶我呀？」嚇得軒仔要飲酒壯膽，場面搞笑。

（左起）梁祖堯、軒仔、七師傅和強尼在節目中談天說地，笑聲不絕。(影片截圖)