• |
  • 極速報價
  • |
  • 會員
  • 產品服務 / 串流版
  • 設定

25/01/2022

《飯戲攻心》麻甩本色演出 鄧麗欣開心被「男神」力追

  • 加入最愛專欄
  • 收藏文章

  【晴報專訊】賀歲片《飯戲攻心》卡士強勁,由神級的黃子華領軍,拍住鮮有拍喜劇的鄧麗欣(Stephy)飾演一對舊情人。戲中演「跳掣」文青的Stephy,坦言十分開心能被「子華神」追求,又自認本身性格與角色一樣神經質,令人期待Stephy如何發揮喜劇細胞。

 

Stephy與子華在戲中飾演舊情人,但似乎餘情未了。

 

  說到鄧麗欣的電影之路,大家的印象是《獨家試愛》的「阿寶」?還是《空手道》中的平川真理?Stephy入行以來,原來鮮有演出喜劇,她說︰「之前都拍過喜劇嘅,好似《龍咁威》咁,但都係其他人負責搞笑,我就企喺側邊負責笑…今次終於真正參與其中,拍攝同睇嘅時候都好開心,喺現場可以演得好癲、好放。」

 

自認不拘小節易跳掣

 

Stephy在戲中盡現麻甩性格,她笑指現實中亦然。

 

  Stephy在劇中性格麻甩、神經質,似乎與其女神形象相差甚遠,但她竟自認本身性格與角色相似,「我係有(突然發癲)呢一面,因為我係一個好注重平衡嘅人,如果有啲嘢唔平衡,我就會好跳掣,但呢一面唔會畀大家見到,因為唔希望影響到人。」至於麻甩方面,Stephy同樣直認不諱︰「今次呢個角色都幾核突、幾粗豪,好鍾意飲啤酒…雖然食嘢方面唔似,但性格都係男仔頭、不拘小節啲,如果喺屋企或者對住好朋友,我就比較隨意,所以做呢個角色好舒服,都係做番自己。」

 

獲導演陳詠燊讚有喜感

 

陳詠燊(右)大讚Stephy與黃子華首度合作表現出色,火花十足。

 

  首度擔正演喜劇,便拍住神級的黃子華,Stephy大感興奮︰「我真係無諗過可以同子華合作,喺佢身上學到好多嘢,特別係嗰種專業,佢好在乎一個角色,會不斷去鑽研。」提到戲中同時獲子華及張繼聰兩兄弟追求,Stephy笑說︰「第一次被兩兄弟追,被『神』追都係第一次,個關係都幾尷尬…其實有少少荒謬,但現實中又真係有機會發生。」

 

陳詠燊坦言香港喜劇演員選擇不算多。

 

  至於撮合Stephy與子華的最大功臣,正是《飯戲攻心》導演陳詠燊。陳詠燊點評兩人首次合作極具火花,更大讚Stephy有喜劇細胞︰「呢幾年香港演員唔算多選擇,好難可以撞到啲新火花出嚟,所以今次撮合到子華神同Stephy都好開心。同埋今次Stephy嘅跳掣係好真心,見到佢就覺得『哇!佢啲喜劇感撻着咗!』」

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

你可能感興趣

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ