• |
  • 極速報價
  • |
  • 會員
  • 產品服務 / 串流版
  • 設定

29/08/2022

劉青雲拍《明日戰記》受腳傷 古天樂頸椎重創 赴美做手術

  • 加入最愛專欄
  • 收藏文章

  【晴報專訊】古天樂(古仔)嘔心瀝血監製及主演的科幻電影《明日戰記》昨日正式上映,首日票房截至下午五時已近260萬元,成為本年度華語開畫票房冠軍。古仔與戲中拍檔劉青雲受訪,古仔因長期穿著重逾33磅的裝甲,以致兩節頸椎重創,要遠赴美國動手術,為了這部電影犧牲不少。

 

 

  古天樂和劉青雲在《明日戰記》中肩負保護地球的責任,每次出動都要穿上重逾33磅的裝甲打鬥。青雲坦言十分辛苦:「真係好重,去廁所又麻煩,去完著番套裝甲都要幾分鐘,仲要幾個人幫我。」古仔透露最初花半小時穿整套裝甲,後來慢慢熟習至15分鐘便完成;拍攝時天氣酷熱,他們每天揹著重重裝備開工,古仔直言當時瘦了近十磅,不過青雲笑言︰「係好吃力,熱到可以倒水出嚟,但我好快補番,又唔係瘦好多。」

 

青雲和古仔在酷熱天氣下穿上又重又厚的裝甲,熱得汗流浹背。

 

頸骨換成鈦金屬

 

  拍攝連串動作場面難免受傷,青雲自爆開拍初期不慎弄傷右腳。「我吊住威也落地嗰陣太快,『銀』到腳板,但要繼續拍,所以九個月後先好番。」古仔的傷勢則嚴重得多,「拍嘅時候無受傷,但兩年後條頸有事,去咗美國做手術,兩節頸骨換成鈦金屬。醫生話類似呢啲情況,係運動員先有,因為佢哋成日撞,而我受傷最大可能就係著住裝甲。」他坦言痛到難以忍受:「醫生問我痛到咩程度,由一至十級最痛,我話係十級,仲要係長期痛,痛嗰時要食嗎啡藥止痛,瞓覺都轉唔到身。」

 

古仔因穿上這套裝甲令頸椎受傷,痛到難以入睡,令他苦不堪言。

 

  古仔更分享一件在手術室發生的趣事,「麻醉師喺手術前叫我簽份嘢,到我差唔多瞓著時,佢突然話仲有一份要我簽,但我已經暈暈地,仲以為叫我簽生死狀。原來份文件係話如果發現有多節頸骨受傷,就要我授權先可以做埋。做完手術就完全唔痛,已經好番晒。」身旁的青雲聞言笑說︰「唔怪你之前喺片場成日黑口黑面,依家條頸咪好硬?難怪你鍾意拍機械人片,又唔使瞓覺。」青雲表示拍《明》片有不少新穎體驗,包括在綠布前對空氣演戲、駕駛戰車等,古仔則說︰「我都體驗咗直升機俯衝落嚟嘅感覺,架直升機擺咗喺雲台上,真係『chok』到你暈。」

 

預告下部戲打外星人

 

  眾所周知古仔熱愛科幻電影,問他會否開拍續集?他指︰「睇埋呢部先。呢套籌備咗好耐,尤其係前期特技。」導演吳炫輝笑古仔在片場會精神分裂?古仔笑言︰「我哋買晒啲綠布無得再買,要自己染布;個大廈景又被風吹冧,要由頭搭過,點會唔精神分裂?簡直精神崩潰!但中途都無諗過放棄。」他揚言下一部電影會放入最愛的外星人題材,「依家搞緊,仲難拍過呢部十倍,都係用番本地製作班底,會全部用LED拍太空大戰。」

 

轉載自: 晴報

全新節目《說說心理話》原生家庭對成長有咩影響?改善溝通有計可施?► 即睇

我要回應

你可能感興趣

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ