• |
  • 極速報價
  • |
  • 會員
  • 產品服務 / 串流版
  • 設定

07/06/2023

出走半年搵創作靈感 AGA江海迦新歌散播快樂

  • 加入最愛專欄
  • 收藏文章

  【晴報專訊】AGA(江海迦)去年宣布取消紅館個唱後,隨即孤身一人遠走他鄉,展開長達半年的旅程,期間她到訪十多個地方,笑言除了洗滌心靈,亦花去全副身家。結束悠長假期返港的AGA,帶同旅行期間創作的歌曲強勢回歸,她希望透過這些歌曲,傳遞快樂和正面的信息給樂迷。

 

「出走」半年,AGA直認任性。

 

AGA感謝有一班十分支持自己的團隊。

 

  AGA江海迦出道十年,創作過不少受歡迎歌曲,在樂壇亦獲得不少獎項,2020年原定登上紅館舞台,舉行首個個人演唱會,卻受疫情影響兩度取消。去年中她決定放假外遊散心,沉澱心情,這趟旅程一去便半年,走勻法國、新西蘭、荷蘭及日本等,總共去了約16個地方。AGA說︰「啲假期係我喺呢十年累積返嚟,咁多年嚟,我無乜放過假,所以用晒啲假期,又使晒啲錢,但有信心搵得番嘅。」花去積蓄,卻十分值得,因為旅途中靈感爆發,寫了不少新作品,「真係寫咗好多歌,希望大家能夠透過我嘅歌,獲得一啲得着同快樂。」她又指過去的三、四年,創作不多,歌曲存貨所剩無幾,可幸這次旅程收穫豐富。

 

  另外,最令AGA開心是旅行期間,父母中途加入,她帶兩老到法國和荷蘭遊玩,「我爸爸係電影迷,又好鍾意煲劇,好鍾意睇《Emily in Paris》,所以我做導遊帶佢去啲拍攝場地,做埋攝影師,不停幫佢哋影相,自己反而無乜影相。」

 

AGA帶父母周遊列國,玩得十分開心。(IG圖片)

 

開心帶父母歐遊打卡

 

  AGA最近推出新歌《MIZU》,網上點擊已破百萬,她特別製作Acoustic版本答謝樂迷,「呢首歌係講社交媒體,當你一路玩嘅時候,你會羨慕人哋去咗邊度旅行、生活幾咁美好,我訪問過身邊人,問十個十個都認同,所以我就創作咗呢首歌。」AGA選這首歌作為她「回歸」的頭炮作,是因為跟過往的情歌大不同,「呢首歌有好多幻想同感情,關於唔同人、唔同事,想分享畀大家聽。」談到工作大計,AGA希望年底可以推出新專輯,亦會籌備推出一張英文專輯,至於何時重啟演唱會?AGA因個唱兩度取消而猶有餘悸,「我全部都唔會答,真係驚咗。」

 

 

 

2020年,AGA奪得《叱咤頒獎典禮》女歌手金獎。(資料圖片)

 

 

 

AGA在旅遊期間完成了不少人生清單,包括駕駛小型飛機。(IG圖片)

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ