• |
  • 極速報價
  • |
  • 會員
  • 產品服務 / 串流版
  • 設定

23/11/2023

曾路得點名姜濤唱歌有進步!評新一代歌手水平:炎明熹媲美林憶蓮?

  • 加入最愛專欄
  • 收藏文章
Text: 娛樂組 Photo: YouTube「Roger歌唱教室」截圖、姜濤IG、炎明熹微博、曾路得FB、鄭欣宜FB

  資深歌手曾路得憑一曲《天各一方》唱到街知巷聞,同時也是星級歌唱老師,除了教唱歌,還推出福音唱片流行歌。最近曾路得接受YouTube頻道「Roger歌唱教室」訪問,雖然鮮有公開露面,但她一直有留意香港樂壇,與時並進,點名談及新一代歌手唱歌水平。

 

曾路得受邀擔任歌唱比賽評判。

曾路得早前返加拿大出席一歌唱比賽評判,與表演嘉賓馮允謙合影。

 

  教唱歌多年的曾路得,不斷增值自己,認為不同年代有不同唱歌風格,絕對不能「一本通書睇到老」,特別留意新一代歌手,緊貼現今樂壇資訊。在訪問中,主持Roger問及最欣賞的新一代歌手?她表示近年有不少歌手出道,「而家呢批係比好多年前出嚟嗰啲係好啲嘅。」

 

今年5月,她由加拿大返港,擔任鄭國江老師演唱會嘉賓。

 

  曾路得表示十分在意歌手是否有進步,「出嚟係點都唔緊要,我想睇到你進步,譬如咁講...嗱!我唔係姜糖(姜濤粉絲)嚟!我睇姜濤由當初到依家,啱啱開完演唱會,佢真係進步咗好多,呢一下我就覺得good,同埋佢進步得嚟係去到一個地步係up to par(達到一定水準)喎,(主持解釋:即係可以接受到)係,接受到喇!我覺得...嗯...呢個小朋友OK,仲可以再去,去得更遠㗎!」

 

  她同時提及欣宜,「我哋睇住欣宜成長,佢本身基本技巧都已經OK,又有唱英文歌底子,聽到佢越嚟越有信心,越嚟越放去表達自己。」

 

 

  曾路得點名講炎明熹,「呢位小朋友好細個,但係做到好多大人嘅技巧,唱歌時好成熟,真係估唔到。不過又咁講,老老實實佢真係好細個,佢係用技巧去扮到(歌詞表達的意境),但係咪最內心咁唱出嚟呢?其實唱歌最靚嗰啲,係用內心唱出嚟。當然炎明熹絕對係可造之材,把聲好,又叻。」她又用炎明熹媲美自己的得意門生林憶蓮,「人把聲最靚係喺三十歲時,當然憶蓮廿幾歲已經紅,唱得好,佢唱得最好其實係過咗三十歲,因為多咗人生閱歷,豐富咗感情。」又勉勵新晉歌手們,指出學生林憶、彭羚是出名的好歌之人,二人也不是單靠天賦,而是下了不少苦功,努力練習的成果。

 

內容授權及來源:

 

轉載自: 晴報

全城注視!銀行定存比較神器,助你搵到最佳息率!► 立即了解

我要回應

你可能感興趣

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ