• |
  • 極速報價
  • |
  • 會員
  • 產品服務 / 串流版
  • 設定

29/11/2023

叱咤2023|張敬軒恨攞「我最喜愛的男歌手」!自認選情告急開Live兼落旺角拉票:入圍16次攞咗1次,我要好好檢討

  • 加入最愛專欄
  • 收藏文章
Text: 娛樂組 Photo: IG

  張敬軒入圍叱咤樂壇「我最喜愛的男歌手」五強,與尹光(光B)、姜濤及盧瀚霆及陳卓賢齊齊爭獎。過往對獎項持佛系態度的軒仔,今次一反常態積極拉票,直認選情告急,27日晚更以候選人姿態突發落旺角親自派傳單拉票,他落區前開IG直播,剖白今次落力競選原因。

 

軒仔對獎項一向佛系。

尹光變成大熱門。

歌迷為軒仔製作競選海報。

 

  張敬軒連日積極拉票,在IG貼出競選海報,以「你一我一票軒公80還唱跳」、「票投4號張敬軒,戀愛當做半支煙」及「中年發奮,拼出樂壇新氣象」作為搞笑參選口號。軒仔開live解釋,今年如此積極,因他看見fans包了一架巴士於港九新界巡遊,有粉絲更拖兒帶女拉票:「有啲途人好冷漠咁行過,我好心悒,作為歌手,明明呢啲嘢應該我自己做,但搞到我啲fans拋頭露面,我好內疚,所以我唔可以再坐喺屋企,要畀啲心機拉票。」

 

 

  軒仔以廁紙自製競選彩帶,又介紹歌迷製作的宣傳單張,更有菲律賓文及印尼文的版本。他剖白對「我最喜愛的男歌手」獎的看法:「好慚愧我入圍16次,攞咗一次,我要好好檢討!以前覺得入五強,對我嚟講已經滿足,點解今年拉票?我被歌迷打動,(今年)年資比較深嘅粉絲都出嚟幫我拉票,我冇辦法坐享其成。」他承諾在投票截止前,會不定時於全港的票站親身落區派傳單。他笑說:「大家可以當面拒絕我,但最好唔好,我覺得跳出咗我中年危機嘅comfort zone,同大家一齊,以運動員精神參與樂壇頒獎禮。」

 

  談到光B入圍五強,更成大熱門,軒仔說:「好雀躍見到大前輩光B,無論演唱會或歌曲,都畀到好大啟發…希望大家投我一票,如果你心有所屬,無論邊個攞都好,我都開心,但如果你仲諗緊,好希望得到你送畀我嘅一票。」

 

 

  直播結束後,軒仔心疼歌迷在晚上11時仍在街頭拉票,於是決定到旺角跟fans一齊奮鬥。到達旺角,軒仔頓時被街坊包圍,他不停派傳單,呼籲大家投他一票,場面墟冚,最後他逗留到近零時才離開。

 

轉載自: 晴報

【訂閱有賞】訂閱健康好人生YouTube頻道 賞你etnet 30週年珍藏版2024年曆卡 + etnet精美筆記本!► 火速行動

我要回應

你可能感興趣

放大顯示
師傅靈靈法

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ