鄭中基將於2月13日起於紅館舉行6場《Fragments of Wonder 鄭中基世界巡迴演唱會2023》，一兼5職的Ronald近日密鑼緊鼓排練，務求帶俾大家一個充滿驚喜的演唱會！不過「大佬」鄭中基忙極都要唞唞氣，他在百忙之中殺入市集「巡視業務」。

　　適逢過新年，鄭中基公司旗下的「大佬好嘢@機動娛樂」同時舉辦了「大佬好嘢」期間限定店，推出各式新年精品，部分印有鄭中基的Cute版公來，非常可愛。作為「大佬」，Ronald早前更抽了時間化身店長為大家服務，推薦大佬好嘢新年精品之外，同粉絲拜早年、自拍、合照、簽名都全冇托手踭，Ronald話：「今次市集係第一次展示『大佬好嘢』嘅巨大化實體公仔，真係每一個公仔嘅 Details 都完完全全展現俾大家，希望大家買得開心過肥年！」