• |
  • 極速報價
  • |
  • 會員
  • 產品服務 / 串流版
  • 設定

21/02/2024

黃偉文倫敦時裝展發生意外險死!爬起等睇騷時頭痛堅持要睇完!Wyman:這幾乎變了遺照!

  • 加入最愛專欄
  • 收藏文章
Photo: Instagram

  近年幾乎喺英國長居嘅黃偉文(Wyman),係時裝騷嘅常客,除咗英國本地之外,仲會不時歐洲四圍飛到各個時裝展朝聖。20日,Wyman於社交平台Post出自己出席BURBERRY 2024秋冬時裝展嘅新相,透露發生咗小意外,令呢張相片幾乎變成遺照。

 

成日睇時裝展。

 

  Wyman寫道:「昨晚發生了點小意外,這張幾乎變了遺照。(但都唔想為大家帶來麻煩,所以堅持下去,並且睇了場好好睇的 show )現在回家休息和觀察,如果未來一兩天沒有暈眩和作嘔或者其他異樣⋯⋯會做更多善事和買彩票。」

 

  熱愛Fashion又貪靚嘅Wyman,發生意外後強裝鎮定,繼續好似冇事發生咁睇騷:「之後仲識爬返起身等開場一邊頭痛一邊覆whatsapp同香港嗰邊傾歌詞點寫,睇show時仲識同旁邊嘅人有講有笑,而家仲識發ig,希望係好兆頭,更希望唔會嚇親喺現場見到嘅朋友,所以大家唔使擔心住,如果唔係就真係死在天橋底,啋啋啋!」

 

 

  雖然由頭到尾Wyman都冇講到實質發生咩事,不過似乎事態嚴重、性命悠關,唔少網民同藝人都留言慰問,叫Wyman保重;亦有人勸佢去醫院做檢查,唔好因為當刻冇事就疏忽咗。其實一日前Wyman都已經有出關於呢個時裝展嘅post,當時內容都好正常,似乎未生意外,佢post前十年前後對比相,留言:「給10年後的我。前後10年,再次在倫敦參加 Burberry 的活動和時裝表演,不過,以前坐飛機來,今日搭地鐵去!設計師換了三位,各擅勝場。賓客仍然同一個,忠誠如一。」

 

轉載自: 晴報

全新節目《說說心理話》青少年不可以戀愛!?真實個案講述驚心動魄經歷► 即睇

我要回應

你可能感興趣

放大顯示
師傅靈靈法

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ