• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

12/06/2024

翁靜晶自爆將向新何太發律師信!被不點名質疑買律師牌、鬧廢柴?隔空回應:邊度有得買?

  • 加入最愛專欄
  • 收藏文章

  翁靜晶一向是正義女神,她近來在YouTube Channel「危險人物2.0」中,經常分享法律個案及生活經歷,睇得網友們都相當享受,大讚節目內容貼地又豐富,而且有知識袋入袋,所以Channel訂閱人數已高達20萬人,相當厲害。翁靜晶早前在Channel都有談及全城熱話何伯及新何太的事件,並以法律角度分析,沒想到卻惹起新何太的情緒,早前不開名的形式發表質疑對方專業資格的言論。

 

(《東張西望》電視截圖)

 

  何伯及新何太事件繼《東張西望》受訪後,一直受到全城關注,除了兩公婆出街動態被途人拍下之外,何伯及新何太在抖音的一舉一動,都會在「何伯&何伯老婆關注組」中引發起熱烈討論。翁靜晶早前在YouTube頻道「危險人物2.0」開直播,並以「以「何伯與何太丨翁靜晶同你傾下城中熱話背後嘅法律問題」為題,循法律角度分析何伯及新何太的社會事件。有網友睇完之後,見到新何太在抖音群組分享香港有律師分析何伯能取回450萬元的可能性,便善意地提醒新何太說:「翁靜晶律師講好難喔何太。冇450萬有利息都好過一蚊都冇。」沒想到新何太即時情緒激動回應:「嗱,你再提呢個律師嘅名呢,我證明你同佢係一派,一派胡言呀你。」及後何太繼續鬧「律師」,有網民提醒何太應小心說話,但何太依然繼續向對方作出各種批評。內容如圖:

 

 

  翁靜晶近日再在「危險人物2.0」開直播,笑笑口隔空回應律師資格的事,大方得體之餘,更詳盡提到事務律師及大律師的分別,她表示:「有人話,翁靜晶個律師牌,有人講個牌買返嚟㗎喎!哇,我聽到好開心喎!我就問喇,有得賣嗰個人……係邊度有得買呀,我想買多個喎,如果有不如買多個,你介紹我買多個啦,要幾多錢?如果買得起,買多個都唔錯喎咁樣。」翁靜晶更笑指:「其實講呢一樣嘢嘅人,都幾傻。」翁靜晶稱正收看直播的人就如她的「鄰居」,有不少觀眾甚至觀眾的長輩見證她12歲便入行做童星,可謂看著她成長,「我一生做過啲咩,好嘅、唔好嘅,啱嘅、錯嘅,你哋都睇到㗎嘛!每年去讀書,成績點樣又會同你哋報告,所以點講呢……人哋鍾意講,咪由得佢講囉,最緊要就係,係咪事實?同埋傷唔傷害到你囉,如果講啲咁傻嘅嘢出嚟嘅人,傷害嘅就係自己喇!尤其是你自己又唔係咁得人鍾意嘅,你仲要又話房屋署長又點又點,咁你覺得你咁做法,鍾意你嘅人係多咗定唔鍾意你嘅人會多咗呢?」

 

 

(《東張西望》電視截圖)

(《東張西望》電視截圖)

(《東張西望》電視截圖)

 

  翁靜晶舉例指出早前一名內地女士來港開戶口,因以金錢賄賂銀行職員被ICAC調查的案例,她表示:「呢啲都係價值觀同文化嘅差異,有啲地方我哋覺得可以畀錢……就可以做到㗎喇,但香港係唔得嘅,因為香港有ICAC,咁所以我哋就唔可以用錢去買嘅。咁好喇,呢個講嘢嘅人,佢自己心態呢,其實就係曝露咗佢自己做嘢嘅模式就係『錢就係一切,你有錢就可以買到任何嘢喇』,咁可以講畀你聽,好難喇!同埋香港法庭係非常之難買通嘅。」更分享一句成語「夏蟲不可語冰」諷刺說「買律師牌」言論的人,「有啲嘢你係解得人哋明嘅,有啲嘢永遠都唔明嘅。咁尤其是有啲人嘅價值觀,所有嘢都係用你有幾多錢去衡量價值嘅,咁其實中國改革開放係好成功,經濟做得好好,但喺一開始時呢,如果可以畀多啲道德教育,畀大家知道,唔係話你做咗個體戶之後,繼而成為萬元戶之後,你就高人一等嘅,唔係咁樣嘅,仲有好多其他價值嘅,就因為用咗個錢去衡量,咁所有人就認為有錢就係成功,其實成唔成功呢個定義唔係你自己畀自己㗎!係社會畀你嘅評價。」

 

  翁靜晶分享媽媽教導她的說話,她說:「有啲人咩都唔驚,係最驚窮,因為佢哋窮到怕喇,佢哋唔可以再畀自己去番嗰個位度,點都唔得,唔好講咁多禮義廉恥,因為佢哋目標同我哋唔同,同埋佢哋經歷過嘅嘢,唔係我哋所可以明白,佢哋經歷嘅慘況唔係我哋可以體會,各人有各人嘅前因後果。」她表示可以從善意方面去分析對方的行為,並說:「70幾歲人打官司第一要錢,第二要時間...誹謗官司都好貴,唔好諗住十萬八萬打得完,非常消耗財力同物力,再加上有啲人講嘢唔叻,講說話一嚿嚿,又衝動又激動,你上到法庭會係一個好證人咩?喺好叻嘅大律師盤問之下唔講錯嘢咩?你唔會前言不對後語咩?」

 

(翁靜晶《危險人物2.0》YouTube截圖)

(翁靜晶《危險人物2.0》YouTube截圖)

 

  直至直播的最後,翁靜晶表示:「唔好有仇恨,對於攻擊我嘅人冇帶仇恨,我係笑呀,我幫佛門去受,越受越收到上天祝福。就算呢個大媽,冇敵意亦唔會仇恨佢,睇佢背後一定可憐嘅歷史,我明白佢想改善生活,但我希望佢都可以用愛心對待佢家人,我哋都唔想呢個大媽做我後母,我哋好驚佢,因為佢好厲害、霸道,唔會係我想要嘅媽媽同後母,但佢個仔唔係咁睇,證明人一定有兩面。」她表示對人要先禮後兵,先出信制衡對方,「律師信係會出,出咗之後如果佢係好人,行善良嘅路,唔好去傷害人,好好對家庭入面嘅人,咁就唔會有下一著,但如果好過份佢傷害其他人的話,我出咗第一封信,我亦可以隨時採取第二步行動。」翁靜晶亦語重心長指部分所謂的「支持者」其實是拎黑材料去攻擊她,希望她不要以為「支持」就飄飄然胡亂信人。

 

(翁靜晶FB)

(翁靜晶FB)

(翁靜晶FB)

(翁靜晶FB)

 

內容來源:https://www.youtube.com/watch?v=thcVa6-_kNM

 

轉載自: 晴報

【你點睇】特朗普遇刺案,你認為事件對年底美國大選起多大影響?► 立即投票

我要回應

你可能感興趣

放大顯示
風水蔣知識
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ