• |
  • 極速報價
  • |
  • 會員
  • 產品服務 / 串流版
  • 設定

19/07/2021

夏主任一席話,港府領導班子頭都大埋

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

  全國政協副主席、國務院港澳事務辦公室主任夏寶龍上星期五出席「香港國安法實施一周年回顧與展望」專題研討會,國安法係主菜之外,夏主任仲特別提到,「希望香港可以告別劏房、籠屋」。一句說話,據聞令到特區政府管治班子,特別係負責房屋政策嘅都如坐針氈。

 

  夏主任開得聲要告別劏房、籠屋,期望現時特區政府嘅主事人能夠立即交到功課的話,都認真係不切實際,但問題係,內地主事香港嘅官員已經唔係第一次談論香港嘅房屋問題,證明喺阿爺心目之中,香港近年出現嘅「亂」,「因」都係房屋問題。阿爺推行《國安法》令香港回復平穩,之後都係要港府自己去處理個「因」,夏主任都已經放話,特區政府起碼都要有個「告別劏房籠屋」路線圖同時間表,要見到隧道係有盡頭。

 

(資料圖片)

 

  不過呢個香港歷久都未能夠解決嘅問題,真係可以靠政府搞得掂?根據統計處根據2016年中期人口調查公布全港劏房最新統計數字,全港約有2.7萬個屋宇單位有分間劏房,劏房估計約有9.3萬個,呢啲分間樓宇單位有近21萬人住緊,每住戶平均人數為2.3人。記住,呢個都只不過係2016年嘅數字,隨著香港樓價再創新高,貧富只有愈來愈懸殊,最新數字只會有增無減,究竟政府要點想覓地建公屋去安置呢批人?係唔係安置到佢地私樓價格就會回落令到更多後生仔女能夠無父蔭之下都可以置業?

 

  Tina同一位建制派朋友呢個周末Afternoon Tea時傾開,佢就話夏主任放話之後,特區政府高層,特別係同土地、房策嘅都真係非常緊張。朋友估計,新上任嘅政務司司長李家超仍然係主力喺各方面落實國安法,所以特首同埋土地房屋嘅官員,甚或至係財爺等等,為交功課喺呢屆政府任期完結之前,解決劏房、籠屋問題可以話係成績表之中比重最高嘅項目。朋友仲話:「林鄭最近興走數,但呢條數佢一定唔敢走,佢走的話,真係走得(無得連任)!」

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ