• |
  • 極速報價
  • |
  • 會員
  • 產品服務 / 串流版
  • 設定

14/11/2019

【真有其事】當藍絲愛上黃絲

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    本欄逢周四更新

    玄來更精彩

  真有其事。

 

  放心!這故事沒有攬炒、沒有血腥、沒有殉情。

 

  藍天麗日,公園繁花似錦。

 

  藍詩並不像她的名字那麼含蓄,今天主動約了黃星出來,其實她從廿二歲開始,已喜歡他一年,偏偏這人拒絕了她,但每逢她約又會「仆倒出嚟」,而且笑口噬噬。

 

  肯定不是因為性感,可能因為幽默感。

 

  兩人正在賞花,她突然一個箭步飆到一遊人面前。

 

  「哥哥,唔好行!」

 

  「攔途截劫?」遊人問。

 

  「放心,我係想老笠,不過目標唔係你。」

 

  遊人的女朋友也笑了。

 

  「雖然你靚仔過我朋友,但我都係想同佢影相。」藍詩邊說邊遞手機給遊人。

 

  「就因為你呢句,我就同你影啦!」遊人受冧。

 

  影完兩人繼續漫步。

 

  「你想老笠我?」黃星望著前面的空氣說。

 

  「冇噃,我已經放棄咗你。」她欲擒故縱。

 

  「你嘅timing真係精準,我啱啱失業。」

 

  「吓!咁大鑊,都係啲暴徒惹嘅禍啦,搞到經濟血崩、香港沉淪、民不聊生……」她洶湧地控訴。

 

  「嗰啲人搞破壞、掟炸彈,都係因為佢哋有理想、政府冇思想;我哋要民主、政府擅作主;我哋要自由、政府冇理由……」他的回應一樣澎湃。

 

  「我都估到你係黃絲嚟咧。算!為咗我哋以後嘅藍天麗日,我唔同你拗。係呢,你失業有乜打算?」

 

  「我打算創業。」理想男說。

 

  「你係咪想食屎?我唔會痾畀你食嘅!」

 

  Cool男笑到爆炸。女的跟住問:

 

  「你會唔會Part-time去遊行,聽講好發喎!」

 

  「我唔會出賣我靈魂嘅!不過By the way,你有冇興趣包起我嘅肉體呢?」

 

  「我包你、包你有一日跪喺度求我嫁你!」

 

  「我26歲咋,仲未想死。」

 

  「有好多種死法嘅!」她向他拋了個媚眼。

 

  是媾、還是溝通?

 

  是潑、還是活潑?

 

  是糾纏、還是爆炸?

 

  又或者,all of the above呢?

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生