• |
  • 極速報價
  • |
  • 會員
  • 產品服務 / 串流版
  • 設定

06/07/2017

怎利用好SMS 160個字的宣傳空間?

  • 加入最愛專欄
  • 收藏文章
  • Michael & Derek

    Michael & Derek

    著有《我做媽劇停》一書,撰寫「市場」及「職場」兩大類文章。經常與不同機構及院校合作舉辦Marketing及職場座談會。

    我做Marketing

    本欄每周四更新

SMS Marketing

 

  大家仲記唔記得,上一次用SMS同你嘅朋友溝通係幾時?自從手機上網成為生活日常之後,SMS嘅功能已經由人與人之間嘅溝通工具,變成一種比較單向嘅信息傳遞渠道。而家收到嘅SMS,一係通告類信息 (例如漫遊服務提示、銀行遲交卡數警告等),一係宣傳類信息。作為marketer,大家又應該點樣應用SMS嘅現有角色去輔助自己嘅Marketing Campaign呢?

 

“Short and Sweet”

 

  由唔熟悉嘅電話號碼發出嚟嘅SMS,好多人都會視為垃圾訊息,跟手刪除或者置之不理。所以如果係宣傳信息,公司大多會選用有自訂發送者名稱呢種方法,增加其Open Rate。另外,要令讀者引起佢嘅興趣亦同樣重要。SMS同Email唔同,SMS會按內容長短收費,所以某程度嚟講係有字數限制,而且SMS無設計可言,所以內容直接到Point非常重要,例如:

 

「星期三前到abc網上平台購物,即享5折優惠。立即點擊換領優惠」 

 

  如果是次推廣嘅優惠唔太吸引,可以嘗試將日期/時間作起首,為讀者建立一種迫切性,製造「非看不可」嘅感覺,令佢哋加快回應,亦係常見嘅做法之一。 

 

  “Right Time, Right Place, Right Person” 

 

  無論Email定SMS,大部分人都唔想收到太多宣傳訊息。當一個人經常被同一品牌嘅信息轟炸,自然會感受到壓力同煩厭,之後佢哋自然會對你嘅品牌產生負面感覺,繼而拒絕再接受你嘅宣傳訊息。所以做SMS Campaign要適可而止,並唔係愈多就愈有效。

 

  大多公司未必會選擇星期一或者星期五去做SMS Campaign,因為星期一大部分上班族喺Office Hour都會忙於處理上星期及周末堆積落嚟嘅工作,而星期五就可能會有較多人選擇放假、出埠,所以可能會比平時較少去Check手機SMS。而一日裏面較好嘅時間可以選擇Lunch Time或者剛剛放工嘅時候,但請避免喺晚上一般人休息緊嘅時候Send SMS,咁樣只會引來反效果。

 

  選擇一個適合嘅日子同時間Send SMS固然重要,另外讀者收SMS時嘅場合同地點亦不能忽視。可能因為SMS 嘅Location Based 功能同篩選條件功能會比正常貴一少少,但如果可以喺指定地點Send SMS給指定目標客戶群,令每個SMS嚟得更精準,Conversion Rate相對地提高,計返條數其實可能係值得。

 

  唔同行業、唔同Database喺唔同時間嘅Open Rate都唔一樣,所以請做好每一次SMS Campaign嘅A/B Test,從而搵出你嘅最佳發送時間同地點。 

 

“Nurturing Campaign”

 

  有啲公司會將SMS納入一個自動化嘅系統程序,例如一個顧客無喺佢嘅電子平台登入超過三個月,系統就會自動發一條SMS,提醒該客戶最近嘅新優惠,從而鼓勵顧客繼續喺網上Shopping,亦喺同顧客保持聯繫嘅另一渠道。

 

“Opt Out Option”

 

  喺SMS提供一個Opt Out嘅選項並唔係鼓勵緊你嘅讀者退出你嘅Marketing Campaign,咁做反而可以令讀者知道佢哋可以隨時選擇離開,從而提高佢哋嘅安全感同對品牌嘅好感度。根據研究,一般SMS讀者Opt Out嘅百分比只有少於5%。

 

  喺Email平台上,讀者一般比較忽視宣傳信息,又或者電郵系統已經自動將宣傳電郵直接放咗落Spam Folder,但讀者對SMS呢個渠道似乎仲未有呢一個傾向。不同Marketing工具有其不同角色同功能,Marketer先要諗諗如果Position SMS Marketing於自己嘅Marketing Plan,再考慮如何投放資源,好好利用呢短短160個字嘅宣傳空間。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

我要回應

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ