• |
  • 極速報價
  • |
  • 會員
  • 產品服務 / 串流版
  • 設定

18/04/2019

【營銷的美學】Marketing是一門「包裝學」,識得引起大眾注意就贏了!

  • 加入最愛專欄
  • 收藏文章
  • Michael & Derek

    Michael & Derek

    著有《我做媽劇停》一書,撰寫「市場」及「職場」兩大類文章。經常與不同機構及院校合作舉辦Marketing及職場座談會。

    本欄每周四更新

    我做Marketing

  Marketing做宣傳時,經常用嘅其中一個技倆就喺加/減分策略。做好自己產品/服務嘅marketing,將自己好嘅一面加以放大再推出市場係加分。相反,發掘競爭對手嘅弱點再加以攻擊係減分。大部分品牌公司會較少用減分,因為攻擊對方嘅同時,亦可能會影響自己形象,有機會令自己一齊減分,變成「偷雞唔到蝕渣米」。最常用減分策略唔喺品牌公司,反而係喺總統/議員選舉。因為如果選民唔投票比自己,就好大機會投票比對方,一加一減之下,兩者嘅距離就會拉得更遠,所以抹黑對方喺好常見,希望就算選民唔投票比自己,都唔好投比對方,直接投棄權。

 

  而喺加分策略下,近年多咗公司用另一種介乎加分同減分嘅新策略,雖然未必一定可以返到生意,但就一定引來注意。

 

圖片來源:https://bit.ly/2Gs6y6W

 

以退為進

 

  「超邪」確實喺佢嘅缺點,但如果能夠善加運用,呢個其實可能喺一個優點。「超邪」呢個寫法喺行內應該十分少見,大部份用家/炒家都未必鍾意自己間屋有鬼,但其實只要你夠膽寫出呢個宣傳單張,相信一定有人會放上網,幫你做免費宣傳。另一方面,寫得超邪,價錢一定比正常平,因為地產代理公司本身同賣家雙方嘅目標都十分明確,所以呢類宣傳能夠較易接觸某一類買家/炒家、速成生意,某程度上喺聰明嘅做法。

 

Source from: 淘寶

 

誇張、誇張、超誇張

 

  因為受商品說明條例所限,呢類手法喺香港未必可以推出,但喺淘寶可能就另計。淘寶世界競爭十分激烈,有過百間網店賣緊同一件產品已經平常事,如果只用一貫嘅手法宣傳,可能做十年都未必有起色,所以誇張嘅訊息同相片絕對喺其中一個致勝之道。而重點喺,利用呢類特別嘅相片帶來好奇心,引消費者click入內文了解更多,就算睇完內文後冇帶來生意,但每一個click已經可以為淘寶內嘅SEO加分,令產品post有更多人睇到。

 

  Marketing其實喺一門「包裝學」,如果產品本身冇乜獨特之處的話,要喺市場上突圍而出係會有一定嘅難度,所以自己製造一個新嘅talking point,從另一個角度去宣傳自己嘅產品,或者帶來另一個層次嘅宣傳效果,再喺市場上擴散出去,就能夠令平平無奇嘅事情變成大家深刻嘅記憶,呢啲就喺做marketing 得意之處。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生