• |
  • 極速報價
  • |
  • 會員
  • 產品服務 / 串流版
  • 設定

11/02/2021

【雙方保障】離職時要給CEO巨額補償,為甚麼公司仍肯送上「黃金降落傘」?

  • 加入最愛專欄
  • 收藏文章
  • Michael & Derek

    Michael & Derek

    著有《我做媽劇停》一書,撰寫「市場」及「職場」兩大類文章。經常與不同機構及院校合作舉辦Marketing及職場座談會。

    本欄每周四更新

    我做Marketing

  2020年好多國際企業CEO相繼離任,當中包括 Disney 嘅 Bob Iger 、LinkedIn 嘅 Jeff Weiner、IBM 嘅 Ginni Rometty 等等。而早前Amazon CEO Jeff Bezos 亦宣布於今年第三季辭退CEO一職,交由Andy Jassy成為下任CEO人選。疫情下企業生意唔好,當中有主動辭職,亦可能有不少係「被動辭職」。部分CEO光榮引退,有啲就係噓聲四起,留下爛攤子後離開。但其實大部分國際級CEO離開時都能夠得一個「黃金降落傘」,所以不論掌聲定噓聲,最後佢哋都可能係笑聲。

 

  其實企業要聘請CEO時,唔係一件易事,人揀你你揀人,package固之然重要,公司會否送上「黃金降落傘」亦十分緊要。當公司高層主動/被動辭職,或者係炒魷魚時,公司需要給予離職嘅CEO一筆補償金,當中可能包括現金、股票或其他利益等,令CEO離職亦有一個保障。

 

  好多人認為黃金降落傘對公司嚟講百傷而無一利,送巨額補償金畀一個將離開嘅員工,只會無形間加大咗公司嘅營運成本,好多股東普遍對此較為反感。雖然降落傘成本高,但其實亦有其價值同用處,不論係公司層面者係CEO層面,都扮演著唔同嘅功能。

 

  不少國際企業都有可能遇到唔同形式嘅M&A(合併/收購),而降落傘其中一個用處就係盡量避免惡意收購嘅發生。以巨額補償金作為其中一項注碼,加大惡意收購成本,間接保護公司,令收購者知難而退。

 

  而對該員工嚟講,豐厚package除咗可以吸引/留住人才之外,亦係對公司同該CEO嘅一種保障。好多時公司會因CEO決策失誤而令公司出現不同問題,呢類情況發生後公司可能需要更換CEO,但同時間亦可能遇上「CEO賴死唔走」嘅情況。就算肯離開,亦有可能會喺離開前對公司作出惡意破壞,所以降落傘嘅另一面,就係作為「掟煲費」,希望大家可以「和平分手」。除此之外,若然公司真係需要M&A,或者係管理層突然出現大變動,令該CEO變得「有名冇實」,間接被迫辭職,降落傘亦能夠保障該CEO好好離開。

 

  當然冇員工會以補償金為選擇工作嘅首要條件,但其實國際級CEO搵工/ 轉工並唔容易,所以佢哋需要更長線嘅保障,亦無可口非。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

我要回應

你可能感興趣

放大顯示

精選文章

  • 生活副刊
  • DIVA
  • 健康好人生