• |
  • 極速報價
  • |
  • 會員
  • 產品服務 / 串流版
  • 設定

07/12/2023

AI問題|公司引入人工智能可減成本、提升效率?背後隱藏2大問題!現成生成式工具幫助有限?點解公司數據有機會外洩?

  • 加入最愛專欄
  • 收藏文章
  • Michael & Derek

    Michael & Derek

    著有《我做媽劇停》一書,撰寫「市場」及「職場」兩大類文章。經常與不同機構及院校合作舉辦Marketing及職場座談會。

    我做Marketing

    本欄每周四更新

  自上年尾ChatGPT熱潮出現後,不同類型人工智能工具充斥巿場,大至企業級數據系統,小至巿民大眾都可以用嘅修圖工具等,令AI 愈來愈貼近生活。而當AI 平民化後,老闆們就會嘗試將AI 引入公司,希望加快工作效率同時大大減低成本。雖然暫時AI 嘅使用看似十分吸力,但其實AI 背後仍存在好多成本問題,搞不好更可能弄巧反拙。

 

  AI 看似能夠大大減低人手同成本,但好多人會忽略前期搭建AI 系統同長遠管理費用。現時有不同AI 工具/系統,較為便宜方法可以直接購入現成AI 工具如生成式AI ,幫助創作圖片、文字、音訊、PowerPoint等。雖然成本較低,可惜坊間類似工具大多較為模板,只能為做特定或單一工序,屬輔助性質或作一般用途 ,對於公司幫助有限。如要作有規模同專門功能,則需購入企業級AI 系統,系統能夠配合公司數據庫及不同情況等一齊運作。相對成本較大,除購入企業級AI 費用外 ,亦需專業人才去進行前期設計及搭建、長線管理及優化系統等。期後亦要時間執整,並非一步到位。而以上投資嘅金錢同時間則經常被忽略於成本當中。

 

  另一方面,網絡安全同權責等亦係潛在隱藏問題。自ChatGPT等工具出現約一年內,已經有不少AI 法律相關問題。如暫時大眾最關注創作作品版權問題、個人資料隱私問題、內容真確性等。而壟斷問題亦值得關注,ChatGPT系統運作模式係先於網絡上收集數據,經運算後得出結果,但如果有人/公司嘗試操控網絡數據,ChatGPT所產出嘅內容就有機會被改寫,而暫時仍未有明確指引去監察相關問題。另外公司仲有資料外洩危機,如公司數據錯誤地放上網絡世界,又或者已購買嘅AI 系統不小心將公司數據同其他系統共用,公司數據就好大機會外洩。以上等等潛在問題極可能令公司帶來重大衝擊。

 

  雖然AI 為大勢,但現時巿場對生成式AI 同企業級AI 都未有太大商業普及化。巿場仍等待兩者之間較中型、能處理行業特別需求嘅AI,以上出現後才能令AI 進入下一個階段。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
風水蔣知識

職場新常態

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ