• |
  • 極速報價
  • |
  • 會員
  • 產品服務 / 串流版
  • 設定

20/06/2019

【拒絕社畜命運】無人有權對「欺壓」沉默!打工仔5步應對職場霸凌

  • 加入最愛專欄
  • 收藏文章
  • Yan Law

    Yan Law

    「喜歡聽人說故事,更喜歡用文字寫故事。 返工最大樂趣──在平凡的職場裏找出那些不平凡的故事。」

    Senior Editor

Text: Yan Law Photo: 網上圖片

3. 以有建設性的方法正面對抗

 

  對付欺凌者,有時唔一定要同佢辯駁,因為佢通常歪理連連,而且句句人身攻擊,一般嚟講你係好難拗得贏佢。所以呢個時候,最好就係用佢嘅說話嚟幽佢一默!就好似以下例子咁……

 

當欺凌者試圖嘲諷你嘅時候:「乜你啲字寫得咁醜樣!唉,連自己個名都寫唔清楚,都唔知你小學係點畢業?」

你可以答佢:「喔,其實我小學係有畢業。我今次啲字會寫返好睇啲。」

 

又或者當欺凌者咁講嘅時候:「你唔識睇我眉頭眼額?要搵我幫手都睇下我咩心情先,而家唔好嘈我住!」

你可以答佢:「我啱啱有睇到你嘅臉色,看到你而家有啲黑面,所以我諗我都係返埋位做嘢先。」

 

  點解咁講會有用?因為當欺凌者聽到自己嘅用語時,佢先會感受到語言暴力對人所造成嘅傷害;而且欺凌者最無法辯駁嘅就係佢自己嘅用語,你用佢嘅用語,就能夠有效咁制止他。

 

(《教束》劇照)

 

4. 尋求協助

 

  如果情況仍然無乜改善,呢個時候就要考慮向高層主管尋求協助,但記得申訴嘅時候,千祈唔好帶住情緒,要理性咁將唔合理嘅事表達出來,並強調唔單只會打擊到員工嘅工作表現,更會影響公司運作。咁樣做一嚟可避免變成打小報告嘅負面抱怨,二嚟高層聽到「會影響公司運作」,通常都會出手做返少少嘢而唔係聽完就算。

 

5. 抒發壓力

 

  要知道解決職場欺凌,絕對唔係一朝一夕嘅事,所以呢個時候,更加要好好照顧自己嘅心情,不但唔可以將壞心情收埋喺心入面,更加要搵方法好好發洩出嚟。例如聽歌、做運動,呢啲都絕對係減壓良方,再唔係幫自己請返一日假,喺屋企休息下好,出街行吓,或者去親近吓大自然都好!

 

Read More:【不上班日】你今日射咗波未?盤點5個讓腦細無法拒絕的請假理由

 

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
風水蔣知識

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ