• |
  • 極速報價
  • |

16/04/2024

《MakeMoney》港版比特幣ETF終於落戶?原來香港有政府認證比特幣交易場!

  • 加入最愛專欄
  • 收藏文章

.據了解,原來「真正港版比特幣ETF」即將落戶,而香港係有政府認證嘅比特幣交易場

比特幣ETF一早有,要睇清楚邊間交易所

 

  據了解,原來「真正港版比特幣ETF」即將落戶,而香港係有政府認證嘅比特幣交易場,今日就來個一文懶人包方式,同大家Update下點樣係香港安全地買到比特幣,以及即將落戶香港嘅比特幣ETF啦!

 



香港近幾年已批兩間獲認證比特幣交易場

  事實上,香港正積極發展緊比特幣市場,如果你仲停留係到問「比特幣點買雲吞麵」就真係落伍。2020年開始,證監會逐步批出合法比特幣交易場,其中「OSL交易所」係2020年獲得牌照,「HashKey交易所」則係2022年拎到牌;而根據證監會網站指示,係香港營運嘅虛擬資產交易平台,如果未係2024年2月29日或之前向證監會提交牌照申請,將必須係2024年5月31日或之前結束其在香港業務。


  之前有傳過香港嘅官方比特幣交易所只能夠接受專業投資者,事實上兩間交易所都係面向專業投資者及散戶。而係呢兩個平台買賣嘅好處係,唔使再擔驚受怕被封銀行戶口!之前係外國虛幣交易所買賣,之後再C2C出金入金,如果太頻密的話,銀行會認為你有洗黑錢嫌疑,甚至要求退回你存款再取消你戶口;而家拎正牌就唔使再驚啦!

比特幣ETF一早有,要睇清楚邊間交易所

  其實美國芝商所早前都推出過比特幣現貨及期貨買賣,所以香港都順勢推出比特幣ETF,例如南方東英、三星都有推出相關ETF係香港股票市場買賣,投資者可以好似買股票咁,搜尋相關ETF代號就可以買入賣出。


  不過要留意,上述所講ETF係根據芝商所比特幣交易所數據,所以如果你睇其他交易所嘅數據買賣,可能就會出現誤差。而剛剛已經公布,有幾間基金將會推出根據香港兩間比特幣交易所嘅比特幣現貨/期貨作掛勾嘅比特幣ETF,並獲得證監會授權;據Hashkey透露已經做好相關預備,現已進入「集成和功能測試」階段,預計同芝商所比特幣ETF一樣,都可以直接透過證券商進行買賣!


  所以大家要留意啦,如果往後想買賣比特幣ETF,要睇清楚同邊個比特幣交易所掛勾,因為唔同交易所可能出現價差,到時慢人一步就執輸行頭慘過敗家。

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

《說說心理話》與你分享被性騷擾解決辦法,大量真實個案,唔同場所如何提防及應對?► 即睇

我要回應

你可能感興趣

放大顯示
師傅靈靈法
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ