• |
  • 極速報價
  • |
  • 會員
  • 產品服務 / 串流版
  • 設定

25/10/2021

《Online有話兒》馬斯克影響力驚人,特斯拉股價睇千二蚊?

  • 加入最愛專欄
  • 收藏文章

  電動汽車龍頭早幾日出業績,成績亮麗令到大家刮目相看,有唔少分析師睇特斯拉股價可以到千二蚊美金;而創辦人馬斯克講句嘢都大聲過人,今日有網友問佢有無持有柴犬幣,佢只係回復一句:「無」就搞到柴犬幣升幅幾乎蒸發,作為網絡KOL嚟講真夠晒影響力囉!

 

 

旗下車款全部加價,股價上行遲早問題

 

(Telsa官方網站圖片)

 

  自公司業績公布後,股價已經升至900美元歷史新高,有唔少分析師認為特斯拉股價升至千二蚊都係遲早問題,主要因為傳統車企係軟實力方面難以追上特斯拉(包括介面系統、品牌效應),就算係全球「晶片荒」鬧得興起,都無損特斯拉業績表現。年初特斯拉股價破900美元之後就出現斷層式下跌,甚至一堆基金經理圍攻特斯拉齊齊賣空,但全部都成為燃料,而家應該無人敢唱淡特斯拉啦?

 

  說時遲那時快,10月24日,美國特斯拉官網顯示,特斯拉將Model S長續航版、Model X長續航版車型的售價分別上調了5000美元,目前售價分別為94990美元和104990美元;Model 3標準續航升級版、Model Y長續航版售價分別上調了2000美元,目前售價分別為43990美元和56990美元。官方表示加價主要由於原材料供應緊張及成本上升,不過就算你肯接受加價,都無咁多現貨可以俾你即時拎走,就算而家落單都可能要等返三五七個月先有貨。

 

馬斯克否認持有柴犬幣,幣價破頂後回吐

有唔少網友留言:「不如你靜小小啦好嗎?」

 

  柴犬幣(Shib)近來幣價重返高位並破頂,有人歸功馬斯克成日係推特上面Post自己隻柴犬,以為佢都係柴犬粉,可能自己靜靜雞咁入貨。實際上,馬斯克從來都係只推狗狗幣(Doge)而無推柴犬幣,只係剛剛好好兩隻幣都係用柴犬做標誌咁解。

 

  係半日前,有位柴犬幣嘅「神隊友」係推特上問馬斯克持有幾多柴犬幣,點知馬斯克真係答佢:「None(沒有)」,本來柴犬幣仲破緊頂,點知呢位「神隊友」一問引發幣價升幅蒸發,並一度倒跌低見0.0003462美元。其實人地貴為幣圈界神級KOL,好地地走去惹馬斯克搞到幣價下跌,炒緊期權合約個班人真係多得你唔少囉;不過截至今日下午已經收服晒早前嘅升幅,好彩!

 

馬斯克都係動漫迷

 

 

(網上圖片)

  話說最近有位工程司同馬斯克係推特交流,表示自己都係動漫迷,點知馬斯克係推特上大力推薦自己最喜愛嘅七套日本動漫,包括《死亡筆記》、《新世紀福音戰士》、《攻殼機動隊》、《千與千尋》、《魔法公主》、《鋼之鍊金術師》與《你的名字》,好大部分都係充滿科幻感同未來世界相關題材。

 

  馬斯克喜歡日本動漫,唔單單係因為娛樂,更係創新找靈感嘅泉源,而馬斯克創辦另一間公司「Boring Company」嘅原因都係因為睇左《星球大戰》,唔知第日特斯拉會唔會出返一部《龍貓》版電動車呢?

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【限時優惠】申請etnet強化版MQ手機串流報價服務,加送$50禮券! ► 立即行動

我要回應

你可能感興趣

放大顯示
周一加油站

精選文章

  • 生活
  • DIVA
  • 健康好人生