• |
  • 極速報價
  • |
  • 會員
  • 產品服務 / 串流版
  • 設定

29/11/2021

《Online有話兒》新病毒Omicron有幾犀利?疫苗仲有無效?

  • 加入最愛專欄
  • 收藏文章

   呢幾日環球股市急瀉,主要因為新冠病毒又再變種!新變種病毒Omicron已經出現約50個突變,美國國立衛生研究院(NIH)院長柯林斯(Francis Collins)表示,特變數量已經變成一項新紀錄,甚至已經係一種完全不同嘅新病毒,咁究竟疫苗仲有無效防禦到呢隻新病毒呢?

 

新病毒在南非擴散,被專家稱「最糟糕的變異毒株」

 

  呢款新病毒又叫「B.1.1.529」,世界衛生組織(WHO)稱為Omicron,目前確診病例大多集中係南非嘅一個省,現時英國、德國、意大利、比利時、博茨瓦納、捷克、以色列同香港都陸續發現Omicron感染者,情況令人憂慮,而且有專家指,呢款病毒擁有「最糟糕的變異毒株」,最令人擔憂嘅一個險惡之處,係呢個病毒似乎與原始新冠病毒差別很大,意味住針對已知病毒和變異株研製的疫苗、藥物嘅效果可能受影響。

 

  南非流行病應對和創新中心主任圖利奧·德奧利維拉教授表示,呢款新病毒最得人驚訝之處,就係總共有 50 種突變,其中刺突蛋白就有 30 幾種突變;而牛津大學羅莎琳德富蘭克林研究所所長詹姆斯·奈史密斯教授就話,呢種特別幾乎會降低疫苗效果,但疫苗係某程度上仍然有效。

 

英國嚴陣以待,要求入境人士做病毒檢測

 

(Shutterstock圖片)

  英國之前封城搞到滿城風雨,所以呢次有新病毒來臨都唔敢鬆懈,英國首相約翰遜周六(27日)宣布防疫新措施,要求所有入境人士接受病毒檢測,並自我隔離直至獲得檢測結果;政府亦開始收緊戴口罩規定,現時進入商店及搭乘公共交通工具將強制戴口罩。

 

  首相約翰遜指,現時應該開始擴大接種新冠疫苗加強劑。早前英國宣布擴大新冠疫苗第3劑接種計劃,將合資格接種年齡下調至40歲。40至49歲民眾可選擇接種1劑輝瑞疫苗(Pfizer)或半劑Moderna疫苗作加強劑,並在完成2劑接半年後接種。

 

港大病毒學專家金冬雁:該病毒突變比較多、可重複感染

(Shutterstock圖片)

 

  香港大學病毒學專家金冬雁接受媒體訪問時候指,由於愛滋病毒感染者、器官移植需要服用抗排異藥物者,令呢班人存在免疫缺損嘅人群,病毒係其體內突變速率會加快,而呢個病毒突變比較多、可重複感染,情況令人關注;但呢個病毒會唔會引起大流行?佢認為現時判斷仍然過早,而目前香港外防輸入措施係非常好,可以通過早期發現而阻止病毒傳播。

 

  而原本盛傳12月初可以通關,而家又再有變化啦!有消息指可能將會延期至12月下旬,目前香港政府爭取每日通關可以多於1000個;而目前通唔通關,關鍵在於雙方對「熔斷機制」仍有爭論,廣東省政府要求出現一宗源頭不明個案就暫停免檢通關,但香港想爭取較大空間,所以12月尾通唔通到仍未知之數。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【限時優惠】申請etnet強化版MQ手機串流報價服務,加送$50禮券! ► 立即行動

我要回應

你可能感興趣

放大顯示
名廚煮場

職場新常態

最緊要健康

精選文章

  • 生活
  • DIVA
  • 健康好人生