《退休多角度》人人都想儲到錢退到休,但又係咪人人都做得到呢?上期談及利用不同的自
願性供款計劃為自己的退休彈藥庫升級,今次想同大家分享另一個基本功--儲錢。
*首先來一場「斷捨離」*
現在放眼望下你屋企或都你個衣櫃,然後再望下你個戶口。究竟上個月你用咗幾多錢喺「想
要」同「需要」嘅部分呢?又有幾多物品已經唔需要?
大家可以嘗試做一個簡單版「斷捨離」,就算今個月分配於購物及娛樂的預算未用盡,買之
前都應該想清楚有幾需要多一件新衫或者一對新鞋。生活所需的物品應買則買,如果可以同時減
低多餘的消費,屋企就會更整齊,銀包就會更飽滿。
另外,今日大勢所趨,現金和信用卡不單止可以放入銀包,仲可以放入電話。形形式式的電
子錢包及支付模式多不勝數,付款轉帳變得又快又易,一不為意可能就會「doo」多咗。再加
上多年來香港人都習慣比較各大信用卡去賺優惠,兩者的「誘惑」加起來,儲錢談何容易?
電子支付雖然十分方便,但我會建議各位只揀選1-2個方法作為常用支付工具並設定付款及轉
帳上限,不要將錢分散於多個帳戶!
*「捨」之後當然要有「得」*
改變用錢的習慣後,儲錢的習慣亦都要「得」!儲錢唔係單單每個月用剩錢,你必須要訂好
目標,而且不會因一時興起就提出來變作消費。相信很多人都擁有兩個或以上的銀行戶口,筆者
也不例外。將其中一個戶口作為儲蓄戶口,然後實行有入無出。我堅持多年,成效不錯,只在於
恆心與決心!
除咗儲現金,一些定額月供投資計劃都是儲錢好方法。市場上普遍的有月供股票和基金,從
小額開始每月投資,積少成多。據我所知,有些計劃的入場門檻低至港幣$100,相信大多數
人都可以負擔。有一點需要特別一提,月供計劃會以投資產品當前的價格以計算可買入單位,如
果你選擇月供股票,就有機會買入碎股,日後有可能需要整合才可以賣出。然而互惠基金沒有這
方面的問題。
儲錢是長期作戰,大家一方面要繼續儲更多的彈藥,同時間亦要留意市場動態及投資策略,
適時調整自己的資產配置--現金、股票、基金、債券及至房產等等,這樣一來才算識得儲錢,
有助將來退休無憂。《信安投資及退休金服務有限公司行政總裁 程浩賢》
WoW WoW星期三:健康網購產品低至$99 (只限今天)► 立即行動