今日有好多股份派中期成績表，其中見到中國奧園（03883）溢利淨額約人民幣210億元至人民幣230億元(上年同期虧損淨額人民幣29億元)，公司解釋利淨額主要由於公司完成境外債務重組錄得重組收益所致。
但重點來啦，公司話：撇除重組收益影響後，預期中期錄得虧損，主要由於受行業經營環境持續下行影響，交付體量減少，令銷售物業收入確認減少，及融資成本因在建物業的資本化利息減少而有所增加等綜合因素所致。
即係話，公司中期虧轉賺咁多，因為公司做左債務重組，可能賣下資產、或者收返多小現金，但如果公司實際業務來講，都依然係錄得虧損。
其實內房下行呢單嘢已經維持好耐，博客成日碌抖音，見到好多大型民企起嘅獨立屋、大型地產項目，好多都係平租、平租、平租！好似中國中部/北部某三千呎獨立屋連花園停車位，都係收你2000蚊一個月人仔，只要你肯入去住就得！恒大某地產項目變成出租房，800蚊人仔租1500呎，不過都係無人住，因為附近都無咩生活設施，想食餐飯都貴。
中國內房而家步入「樓多過人」嘅年代，其實都係以前過度槓桿所致，中國奧園由十幾蚊跌到剩毫幾子，係咪真係有得炒？要睇公司債務重組之後，剩返幾多Cash先講，所以建議都係繼續觀望下啦；不過而家股價咁平，買十手八手當看門口、買六合彩心態，咁都可以一戰嘅。
《編者按》本欄搜羅即市傳聞，惟消息未經證實，《經濟通》亦不保證內容之準確性。
《說說心理話》運動員強大心理質素如何煉成？張小倫分享最挫敗經歷，及後怎樣重整旗鼓？► 即睇
40,345.41
