最新評論  |  
國金點評  |  
中國點評  |  
港股點評  |  
期貨/商品  |  
窩輪/牛熊證  |  
ETF  |  
外匯  |  
基金  |  
強積金  |  
地產  |  
圈中人語  |  
最愛專欄

加入最愛專欄

在澳門出生、長大的湯文亮,1969年中學畢業後來港入讀浸會書院,一年後遠赴加拿大求學,1976年回港,與胞姊廖湯慧靄女士及胞弟湯子亮先生合組公司,後來演變成「紀惠集團」,今年初更上了福布斯榜(香港區),排行第25。湯博士經常在網上及報章發表文章,網上點擊率超過20億人次,湯博士已經寫了九本著作,包括紅極一時「細價樓爆煲論」。2016年,香港浸會大學頒發了「榮譽大學院士」給湯博士,以彰顯其傑出的企業家精神及領袖才能。

04/01/2023 08:40

《樓市亮話-湯文亮》今年股市樓市會不會叮噹馬頭

  去年無論任何專家預測股市樓市,大多數錯到離晒譜,就算有人估到股市樓市一齊下跌,都唔會估到兩者都是下跌15%,既然是下跌,我認為不能用叮噹馬頭來形容,不過都已經過去,唔輸都輸咗,唯有寄望今年。
 
  今年股市樓市,會不會好似王羲之所講,福無雙至今朝至,股市樓市都有運行,我認為機會很大,至於升幾多,會不會好似去年一樣是叮噹馬頭,這個我唔敢肯定,但我認為股市升幅應該會比樓市大,但千祈唔好以為樓市會升得少,如果順順利利的話,中原指數極有機會今年破頂,大家可能唔記得,中原指數最高點是191.34,要破頂就最少要升20%,而市場上對樓市最樂觀睇法,就是中原傑哥,佢話升15%是有可能,我認為佢擔心激親老闆老C,所以講得比較保守一些,無謂令老C難受。
 
  樓市點解會升,我認為除了利息之外,所有因素都利好樓市,唔會再有業主賤賣,加價封盤已成新常態,估計有不少買家在冇樓睇的情況下以開盲盒的心態買樓,出價仲會非常進取,至於利息,在今年第四季一定會下調,除非拜登唔準備繼續做總統。
 
  移民潮困擾了香港兩三年,的確有不少人賣樓移民,直接令香港樓價下跌,但今年不但移民離開的人會減少,甚至有港人回流,對樓市是有積極正面作用,但如果沒有催化劑,樓市是唔會升。
 
  樓價下跌最主要的一個原因,就是受制於外來人士在港買樓印花稅,基本上很少人會在香港買樓,換句話說,沒有足夠購買力來補充,樓市又點會唔跌,好彩特首宣布居港七年的專才如果買樓,可以退回已交印花稅,但可惜專才人數不是太多,去到盡每年只得4千人,特首送佛送到西,跟著宣布在未來三年,每年有3萬5名額,那些高薪專才很大機會成為樓市生力軍,在這個情況下,樓價又點會唔升。至於股市,就算升20%,與高峰相比仍然有一段距離,所以,我認為叮噹馬頭是不會出現,股市升幅會高過樓市。《紀惠集團副主席及行政總裁 湯文亮》
 
*《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
 

全新節目《說說心理話》原生家庭對成長有咩影響?改善溝通有計可施?► 即睇

專家陣容
顯示更多
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力