即市新聞

18/01/2022 16:34

《小傳日記》冬奧炒唔炒?申州特步買,安踏李寧Bye!

  《小傳日記》冬奧仲有半個月就開幕,事關神州嘅體面,阿爺當然想順順利利咁舉行啦,不
過多國元首話外交杯葛,又有疫情反覆兼變種,暗湧處處都係令人擔心。
  不過講返魚缸啦,正路大家都會覺得冬奧會利好堆體品股,不過舊年有東京奧運,啲體品股
表現都唔係特別標青,都唔知今次炒唔炒得過!
  睇返最焦點嘅體品藍戰士,安踏(02020)同李寧(02331)整體都被人睇得淡啲
,尤其安踏都經常被人詬病佢品牌效應失效,收入增長都被睇淡。走勢上,睇呢兩隻都的確係弱
啲,兩隻睇日線圖都傾向一浪低於一浪,成交量都唔係好夠之下,唔係咁值博。
  反而其他體品股走勢就省鏡得多。先睇吓隻申州(02313),今個月初觸底之後,走勢
都持續改善,慢慢呈現一浪高於一浪,成交量整體比起上個月都多咗一倍,再睇埋MACD指標
牛差都一路擴闊緊,走勢咁靚後市都睇高一線啦,雖然今日掂到五十天線就有阻力,不過廿天線
以上都吼得過!
  特步(01368)走勢都唔曳,月初試過跌穿咗五十天線之後,就好似跳彈床咁反彈,仲
突破埋上個月中以來嘅短期區間頂部。保持強勢之下,要突破9月中高位14﹒9銀都可以!
  之前有「孖屐」人士就話,有唔少外資炒完美股之後,就轉場過嚟香江魚缸追落後,所以好
多之前嘅弱勢股表現都180度反轉,短線都跟得過,請請!


  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

人氣文章
財經新聞
評論
專題
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力