魚缸博客

26/02/2021 11:58

《魚缸博客》資金流入經濟復甦股,趁跌吸納銀娛值得中長線持有

  香江魚缸喺2月最後一個交易日,一開波就暴瀉900幾點,有貨在手嘅缸友們自然喊驚咁啦,不過都好多人好似博客咁,望住大特價時段心郁郁想出手,炒疫後經濟復甦嘅濠賭股有得諗。
  馬交早前宣佈取消對神州入境人士隔離措施,有利提升未來訪澳旅客數量,繼而有助博彩股業績持續回升。雖然新年假期馬交旅客人數未如理想,但博彩收入表現優於預期。本月截至21號,博彩收入暫錄得58億銀。隨住春節假期結束,摩通相信,訪澳旅客人數反彈,疊加香江通關、疫苗等多重利好消息,濠賭股仍有充足嘅上升空間。
  睇返個股,龍頭股銀河娛樂(00027)噚日派成績表,第四季業績稍為好過預期,期內經調整EBITDA虧損9﹒43億銀,對比上年同期虧損41﹒12億銀,虧損情況有明顯改善。集團副主席呂耀東相信,博彩業最壞時期已經過去,農曆新年期間,酒店入住率約五成,零售表現亦不錯,希望重啟旅遊氣泡,帶動生意。
  瑞信認為,即使行業面對挑戰,但集團有穩定及良好的管理團隊;周全的產品,包括將落成的澳門銀河3期和4期;及海外擴張提供全方位增長。因此維持銀娛目標價54銀及「中性」評級。瑞銀同樣維持對行業中性睇法,認為基於馬交及香江近期啟動疫苗接種,料未來博彩業可迎來正面消息,提高兩個城市人流間嘅互動。
  睇返公仔圖,銀娛今日隨大市波動回落至70蚊以下,但20天線(67﹒18銀)支持力度唔弱,股價整固正正係買入時機,缸友們可於68銀附近吸納作中長線持有,首站目標先睇前頂80﹒3銀,跌穿62銀上蝕。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
風水蔣知識
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力