RSS訂閱 對於年屆五十嘅人，除咗會諗下仔女讀邊間大學、工作順唔順利，或者搵到另一半未之外，就係諗退休後嘅生活。得閒搭吓郵輪環遊世界，過住衣食無憂嘅日子，定係慳住慳住，出街都要為搭咩交通工具平啲，兩公婆成日為咗啲芝麻綠豆嘅事而嗌交？咁就要喺退休前做好準備，即係儲多幾個錢！
美國雖然係全球經濟強國，但呢個多種族國家唔係人人都咁有米。根據先鋒基金（Ｖａｎｇｕａｒｄ）嘅《２０２０美國如何儲蓄》調查發現，美國人嘅養老儲蓄不足，加上疫情導致物價急升，令到依靠社會安全退休金生活更難。經先鋒基金處理嘅４０１Ｋ退休計劃平均餘額為１２９１５７美金，另一大型基金富達（Ｆｉｄｅｌｉｔｙ），根據截至去年第四季止嘅資料顯示，５０至５９歲美國人嘅４０１Ｋ退休儲蓄平均餘額只有２０﹒３６萬美金。
不過，係人都知平均數會扭曲咗實際情況。先鋒就用中位數做參考。喺佢地個基金開戶嘅４７０萬人裡面，退休帳戶餘額中位數僅為３３４７２美金；半數４０１Ｋ帳戶餘額唔夠４萬美金；仲有三成人嘅餘額低過１萬美金！
富達基金就有個建議，就係當你到５０歲時，目標應該係為退休儲蓄６倍年薪，到６７歲就可以安心退休咁話，即係有１７年時間俾你去儲錢，但講緊嘅係美國！香港係６０至６５歲退休，假設你揾緊３０萬港紙一年（月薪兩萬五），咁你就要儲１８０萬，除開１５年（咁橋係１８０個月），即係每月要儲一皮！按呢個標準唔係唔得，但應該唔係好多人可以做到或客觀情況下做唔到！
計盈盈話，錢係要儲，但投資都係有必要，香港唔係福利社會，唔識投資（唔你淨係股票），就算攞番啲ＭＰＦ，一旦遇著長期低息潮或者經濟持續低迷，有幾多穀種都有一朝食哂！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
