RSS訂閱 講起銀紙大家嘅精神或者都會為之一振，尤其又到年尾出花紅季節吖嘛！香江今年就出咗新銀紙，盈盈仲記得當時以粵劇作為主題嘅１００蚊紙最大迴響，除咗畀網民話個女紅伶畫到似女鬼之外，仲話似陰司紙！
同樣用人像，但米字國就好民主咁開放比任何人都可以提名「我最喜愛的科學家」，成功當選嘅仲可以登上５０英鎊銀紙上添！事關英倫銀行決定將依家嘅５０英鎊「換臉」（依家版本人物係發明蒸汽機嘅博爾頓和瓦特），公眾可以提名米字國嘅傑出科學家做下期５０英鎊嘅人像，係對科學家嘅肯定！
要提到米字國科學家，霍金一定係大熱人馬！作為劍橋大學世界上最知名的宇宙學家同科學家之一，受大批粉絲支持，當然成為大熱門啦。另一位大熱就係米字國物理化學家與晶體學家，富蘭克林（Ｒｏｓａｌｉｎｄ Ｅｌｓｉｅ Ｆｒａｎｋｌｉｎ）。富蘭克林憑多年嘅研究，解出ＤＮＡ結構，為後世帶嚟突破性嘅轉變！
今次嘅提名唔使註冊、唔使提供任何個人信息，只係係英倫銀行官網直接寫低自己推薦嘅科學家就得，就算係「任何人」都可以登入！不過提名期聽日（１４日）就截止，大家快Ｄ去提名啦！《任盈盈》
英倫銀行官網的投票連結：ｈｔｔｐｓ：／／ｗｗｗ﹒ｂａｎｋｏｆｅｎｇｌａｎｄ﹒ｃｏ﹒ｕｋ／ｂａｎｋｎｏｔｅｓ／５０－ｐｏｕｎｄ－ｎｏｔｅ－ｎｏｍｉｎａｔｉｏｎｓ
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
