傳聞

23/07/2019 15:58

《笑傲缸湖》細到好似螞蟻嘅微型機械人,唔使用電仲可以發電!

  螞蟻雖然好似塵埃咁一樣微小,但當佢哋傾盆而出嘅時候,力量大到可以推得郁一隻大象!喬治亞理工學院嘅團隊就發明咗一個幾乎同螞蟻一樣細嘅超微型機械人,佢只喺長2厘米、寬1﹒8厘米、厚0﹒8厘米、重5克,名為「微型鬃毛機械人」(micro-bristle-bot)。
  個名既由來喺由於機械人嘅體型實在細到用唔到正常嘅電池去驅動,所以研發團隊就特別為機械人設計咗一set睇落去似鬃毛咁嘅「腳」。當機械人接收到特定頻率嘅震動(震動嘅來源可以喺壓電致動器、超音波或揚聲器),啲鬃毛般嘅腳仔就會開始郁,而且根據唔同嘅形態會有特定嘅移動方向。為咗搵到一個最好嘅行路形態,團隊裡面嘅DeaGyu Kim就製造咗幾百種唔同嘅原型,令目前哩款機械人有兩個版本,一個有4隻腳,另一個有6隻腳。唔好睇機械人人仔細細,佢每秒都可以行到8厘米嘅路,足足比自己個身仲要長4倍!
  機械人喺使用壓電致動器嘅情況底下,接收電流之後會產生震動,驅動佢去移動,受震動嘅時候亦都可以產生電流,所以「鬃毛機器人」嘅壓電制動機,除咗可以用當喺震動來源,亦都可以當成喺電源來源。依家團隊就正嘗試解決機械人嘅兩個弱點,一就喺點樣可以喺短時間內製作千幾個鬃毛機械人,其二就喺點樣可以更加準確地控制機械人嘅定向移動,相信團隊仲要研究一段時間,鬃毛機械人先可以面世。
  盈盈聽落都仲喺難以置信,究竟咁細舊嘅機械人做得到啲咩?!對於「鬃毛機器人」嘅未來,團隊就話考慮緊將佢當成喺環境感測器,因為佢唔需要用電,就可以長期待機觀察住周遭環境,另外就可以進一步研發成為進入人體的醫療機器人。估唔到鬃毛機械人以後可能會救到好多人,所以話人真喺不可以貌相!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
1分鐘學投資
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力