RSS訂閱 自從抗疫開始之後，盈盈就係Ｕｂｅｒ死忠ｆａｎｓ，出街就Ｃａｌｌ Ｕｂｅｒ叫車，有時懶煮飯就叫Ｕｂｅｒ Ｅａｔ叫外賣，盈盈嘅「抗疫肥」就係咁養成！不過，最近Ｕｂｅｒ好似又拓展新業務，嘩！仲有咩外賣可以送呢？
講緊嘅係最近Ｕｂｅｒ開始搞大麻業務，公司首席執行官Ｄａｒａ Ｋｈｏｓｒｏｗｓｈａｈｉ表示，只要聯邦法律許可的話，Ｕｂｅｒ將會提供大麻配送業務，咁大膽？
其實目前花旗國有１６個州係大麻娛樂使用合法，而且紐約已經允許運輸大麻產品；加州、內華達州及俄勒岡州對２１歲以上人士提供大麻配售完全無限制。其實今年２月時，Ｕｂｅｒ已經以１１億美金收購酒類配送公司Ｄｒｉｚｌｙ，呢間公司旗下就有間大麻配送公司Ｌａｎｔｅｒｎ，不過呢間大麻配送公司唔屬於收購範圍之內。
提醒返，目前香江使用大麻係犯法行為，大家唔好以身試法。但隨住花旗大麻開放，可能唔少人第日去花旗旅行就係為咗想一試大麻，變成一種旅遊新興產業，刺激經濟！而目前亞洲區只係有泰國係大麻完全合法化。
Ｕｂｅｒ咁識做生意，因為本行Ｃａｌｌ車業務縮水要另覓財路，因為係２０２０年疫情下，大家都減少外出，間接影響Ｃａｌｌ車業務；不過據公司最新財務顯示，今年３月整體訂單都創新高，反映經濟開始復甦，有望年底業務獲利；而外送食物業務預定量更大增１５０巴仙至５２０億美元，創下歷史新高，呢次Ｕｂｅｒ股價破頂有望？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
WoW WoW星期三：健康網購產品低至$99 (只限今天)► 立即行動
