RSS訂閱 自２０２１年以來，虛擬貨幣「狗狗幣」（Ｄｏｇｅｃｏｉｎ）已經上漲超過１１０００％，喺資本市場上傲視群雄，唔單上將比特幣、特斯拉踩喺腳下，目前市值仲超越咗Ｔｗｉｔｔｅｒ、福特等新老巨頭。當大家以為，創辦人一定賺到盤滿砵滿，邊個又諗到，佢依家仲係一個普通嘅打工仔？ 一切都源於一架二手車。
狗狗幣喺２０１３年１２月６日發行，幣市代碼為「ＤＯＧＥ」，當時以柴犬表情包結合比特幣嘅狗狗幣推出時，大家都當做「玩笑」，如今逐漸被主流所接受。狗狗幣總發行量超過１０００億銀，每年持續增加，初衷係希望龐大的數目令其難以被操控，但都導致狗狗幣幣值喺市場中相對較低。
狗狗幣的創始人有兩位，一位係ＩＢＭ工程師馬庫斯（Ｂｉｌｌｙ Ｍａｒｃｕｓ），另一位係概念發起人帕爾默（Ｊａｃｋｓｏｎ Ｐａｌｍｅｒ）。但兩個人２０１５年都先後賣出了所持有嘅所有狗狗幣，並關閉個人社交媒體，退出「狗幣嘅江湖」。
其中馬庫斯喺失業的壓力下出售所有狗狗幣，他用賣出所賺到嘅錢，為自己買咗架二手本田Ｃｉｖｉｃ。當時，一個狗狗幣只係價值０﹒０００１美金，即使是按照６０００美金二手本田售價計算，馬庫斯當時手上應該持有超過６千萬個狗狗幣，而如果佢當年無賣出，今天呢堆狗狗幣嘅價值將超過３６００萬美金。
大嗱嗱無咗３０００幾萬，真係聽到都覺得心痛！不過原來喺馬庫斯眼中，狗狗幣瘋狂上漲係好唔理性、甚至係怪異同危險，佢仲提醒大家交易時一定要保持謹慎，警告有泡沫化嘅情況。
「世人笑我太瘋癲，我笑他人看不穿」，到底狗狗幣係一個騙局，定係難得嘅快速賺錢機會，就要留待時間為我哋證明啦。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
