RSS訂閱 正當內地開始限制未成年人打機時間之際，早排有６０歲老人淩晨３點打遊戲拎「五殺」（一口氣殺掉五位遊戲角色，ＰｅｎｔａＫｉｌｌ），勁到一個人打低晒全隊，成為城中熱話！喺我哋嘅印象裡，「中年人」基本上同網絡遊戲大欖都扯唔埋，通常仲要係叫你打少啲機果個，但隨住網絡越來越普及，老年遊戲玩家嘅數量不斷增加，你遇到嘅隊友，分分鐘都可能係高齡玩家！
盈盈留意到，第４８次《中國互聯網絡發展狀況統計報告》，截至２０２１年６月，中國網民規模達１０﹒１１億，５０歲及以上網民佔比為２８％！人數約２﹒８億，就快接近３億！而百度研究院嘅報告顯示，由２０２０年到２０２１年，遊戲用戶嘅三個核心群體分別系Ｚ世代女性、青年同銀髮族，其中銀髮族男性用戶數量增速達１３０％，女性為８０％！遊戲年齡層仲不斷向上擴大！
最近內地都出現好多「高齡」玩家開直播，好似比較出名嘅「疾風大爺」，係抖音上面一個６０歲《英雄聯盟》玩家，憑著高超嘅遊戲技術，同幽默風趣嘅直播風格，有成１１９萬粉絲！仲有「骨灰級遊戲玩家楊老頭」，係８６歲熱愛遊戲嘅伯伯，喺Ｂｉｌｉｂｉｌｉ有２２萬粉絲，最鐘意打主機遊戲，唔只收藏咗近５００張有歷史價值嘅遊戲卡帶，有時仲會俾攻略年輕觀眾架！
盈盈覺得，老人家與時並進打機樂活晚年，都唔係壞事！目前嘅網絡遊戲都唔係為老年用戶設計，其實高齡玩家主要嘅興趣，都係集中喺解謎、邏輯、字詞、卡牌、棋類遊戲上面，以社交、解壓為主，未必個個都識打「後生仔」都鐘意嘅ＭＯＢＡ同槍戰遊戲架！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
