RSS訂閱 馬斯克最近帶起各種新虛擬貨幣！包括柴犬幣，喺過去一周升咗三倍有多！不過，電影《沽注一擲》嘅原型真實人物（Michael Burry），喺佢最近嘅推文中批評柴犬幣 「毫無意義」！盈盈就覺得好奇怪！明明搵到錢，點解無意義？
柴犬幣近期大幅抽升成為幣市場熱話，特別之處係供應上限為1000萬億枚！而Michael喺一條現喺已刪除嘅推文中寫：「只係想話，1000萬億秒大約系3200萬年！1000萬億天等於2.7萬億年，或者話即係將宇宙由開始到現在嘅所有時間，再乘以71000咁多！換句話講，仲天文過天文數字，簡直毫無意義！」
Michael唔認為柴犬幣係一項有吸引力嘅投資，因為幾乎無限量嘅供應，限制咗其可能嘅價格升值，Michael今年一直警告，美股存在巨大泡沫，並預言嘅即將到嚟一場大崩盤！佢仲多次對加密貨幣，將比特幣形容為由巨額槓桿推動嘅「投機泡沫」！話曬Michael都係估中２００８年金融海嘯嘅神人！聽落都唔係無道理！
另外，又考慮到政府對加密貨幣嘅監管威脅，Michael極度懷疑比特幣嘅長期前景，早前狗狗幣價格飆升至創紀錄高位，佢仲笑話狗狗終於等到有得食早餐！Michael又將比特幣、Meme(迷因)股票同其他流行資產嘅炒作，同之前嘅房地產和互聯網泡沫進行作比較，警告話，佢哋已經「被投機熱情推到瘋狂嘅高度」，一但由咁高跌落嚟！真係夠哂戲劇性同痛苦！但盈盈話，咁多人鐘意玩跳樓機，就係因為上落夠哂刺激啊！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
