傳聞

25/05/2022 15:58

《笑傲缸湖》WEF旅遊及觀光競爭力排名公布,日本終奪「世一」

  《笑傲缸湖》日本係東西文化匯萃之地,名勝古蹟多,但又走喺潮流尖端,而且地方整潔,
國民又有禮,係全球唔少人心目中嘅旅遊勝地,淨係香港人都普遍視佢為「鄉下」,但喺世界經
濟論壇(WEF)每年公布嘅旅遊及觀光競爭力排名,只有尋日(24日)最新公布嘅2021
年度呢次係排第一,香港人對呢個結果應該都足以O晒嘴,但咁似乎又為第時疫情過後再去日本
玩,提供多一個理由(又或者係藉口)喇!
  聽講日本今次之所以考第一,係因為雖然近年全球都爆出新冠疫情,日本都走唔甩,甚至連
舊年嘅東京奧運都係禁止海外觀眾入場。但由於日本嘅酒店等遊客基礎設施同旅遊資源豐富,結
果喺競爭力方面咪贏晒其他國家囉。
  日本仲要喺道路同鐵路嘅完善情況等方面嘅評分都高過上次排名。不過價格競爭力同埋環境
嘅可持續性就被認為仍然有改善空間。
  日本嘅綜合評分喺上次2019年嘅調查中排喺第4位。今次嘅評估方法有所調整,如果按
同樣嘅標準計算,上次應該排喺第2位。
  美中不足嘅係日本目前仍然採取被諷刺為「鎖國政策」嘅特別入境限制措施,旅遊業嘅重啟
步伐遠遠落後於將重心放喺同新冠病毒共存嘅歐美國家。好在日本觀光廳喺呢個星期一(23日
),終於公布為重新開始接納外國遊客推進實證工作嘅日程等。
  排喺日本之後嘅係美國、西班牙、法國、德國等歐美國家,呢啲國家佔據了前幾名嘅席位。
喺亞太地區,澳洲排喺第7位,新加坡排喺第9位,中國排名第12位。
  盈盈去日本玩嘅次數唔算多,不過每次都有非常美好嘅回憶,對於整潔嘅街道同埋溫文有禮
嘅店員、酒店員工同國民嘅印象特別深刻,所以就算未當日本係「鄉下」,都好樂意第時再去
relax吓。盈盈反而對於香港同樣經歷疫情,但未能打入十大(只係排第19位)都覺得有
少少可惜,事關香港早有「旅遊天堂」嘅美譽,一場疫情就帶嚟本地人staycation嘅
商機,往返海外嘅航班大減,唔知係咪因為咁,令香港喺今次排名失分呢?盈盈希望疫情快啲過
去,多啲遊客嚟香港玩,等香港嘅旅遊業再顯威風,香港可以再諗吓點樣向全世界
present自己,旅遊業員工又有工開,咁就大家都happy喇!《任盈盈》

《編者按》本欄搜羅即市傳聞,惟消息未經證實,《經濟通》亦不保證內容之準確性。

【讀者專享早鳥優惠】火速訂購etnet 28周年呈獻《線條下的香港.沈平鋼筆畫作》! ► 立即行動

放大顯示
人氣文章
財經新聞
評論
專題
  • 生活
  • DIVA
  • 健康好人生

【會員專享早鳥優惠】火速訂購etnet 28周年呈獻《線條下的香港.沈平鋼筆畫作》!

《線條下的香港.沈平鋼筆畫作》 期間限定展覽

【訂閱有賞】賞《線條下的香港.沈平鋼筆畫作》連親筆簽名