傳聞

26/05/2022 16:50

《笑傲缸湖》Snap暴跌四成累納指,「鱷王」話買股不如買樓!

  《笑傲缸湖》社交媒體Snap禮拜一發盈警之後,股價尋日暴瀉43%,創呢隻股票史上
最大跌幅,去到12﹒79美金,外界驚網上廣告收入大減,拖累納指都跌2﹒4%。就連有「
鱷王」稱號嘅股市好友、全球最大對沖基金「橋水基金」創辦人,兼億萬富翁嘅達里奧亦對美股
前景悲觀,仲話投資者而家應該考慮投資有實際回報實物資產,例如房地產物業喎。
  尋晚科技股之所以暴瀉,係因為Snap周一發布咗盈警,仲話將放緩招聘。Snap嘅行
政總裁Evan Spiegel認為,宏觀環境惡化嘅速度快過預期好多,因為公司正面臨通
脹及利率上升、供應鏈短缺、勞動力中斷及蘋果iPhone新私隱政策收緊影響。
  達里奧以往曾經批評手持現金唔投資係不智,但他近日接受CNBC電視台訪問嗰陣,反而
話而家買股票仲衰過持有現金。佢話:「現金仍然是垃圾,但股票更垃圾(Cash is 
still trash, but equities are trashier)」。
  達里奧指出,在現時高通脹環境下,投資者應該考慮投資有實際回報的實物資產,包括房地
產物業、能源以及基礎設施等等。佢指出喺而家嘅環境,表現好嘅資產都係實物資產,好似喺
70年代嗰陣咁樣。從各種角度嚟睇,提供實際回報嘅資產都係最好嘅投資。
  達里奧又認為,美股之所以處於今日嘅困局,就係因為太多投資者炒股,仲要人人都做「好
友」,咁咪搞到市場失衡,最終咪大跌囉。佢仲估計要等股市嘅泡沫消除之後,市場先至會回復
平衡。
  其實市場並唔係一個理性嘅地方,人嘅思維邏輯可以隨住價格波動而受到影響。無論投資咩
都好,利潤係唔會喺天到跌落嚟嘅,亦唔係打去烽煙節目問吓分析員幾時入幾時沽就攞到嘅。要
獲利就要按自己嘅需要做功課,花少少時間睇吓心水股份同企業嘅背景資料、業績、睇新聞甚至
企業嘅通告了解業務狀況同最新動向,學埋技術分析,再睇準價格先至做決定,拎住自己嘅明燈
獨立思考,唔求標準答案,賺到嘅先至係自己嘅。《任盈盈》

《編者按》本欄搜羅即市傳聞,惟消息未經證實,《經濟通》亦不保證內容之準確性。

【讀者專享早鳥優惠】火速訂購etnet 28周年呈獻《線條下的香港.沈平鋼筆畫作》! ► 立即行動

放大顯示
人氣文章
財經新聞
評論
專題
  • 生活
  • DIVA
  • 健康好人生

【會員專享早鳥優惠】火速訂購etnet 28周年呈獻《線條下的香港.沈平鋼筆畫作》!

《線條下的香港.沈平鋼筆畫作》 期間限定展覽

【訂閱有賞】賞《線條下的香港.沈平鋼筆畫作》連親筆簽名