傳聞

27/06/2022 11:59

《魚缸博客》上海星期三起逐步恢復堂食,餐飲股可以點部署?

  上海疫情放緩,當局宣布今個星期三(29日)起,上海符合條件嘅街鎮有序放開餐飲堂食。餐飲股今日升到嘭嘭聲,博客就講下餐飲股可以點部署。
  先講邊爐股海底撈(06862),股價3月15號跌到10銀歷史低位,之後keep住反覆上落,近期喺20天線徘徊,今日受到上海疫情放緩嘅利好消息刺激,早段曾經升超過7%。當然,海底撈叫得做邊爐股,臨近夏天似乎無乜優勢,但股價之前跌得實在太多,依家升番追落後,9日RSI同嚴重超買區都仲有段距離,今日低位16.64銀買咗嘅朋友,短線仲有些少水位嘅。博客認為下個阻力位會喺2月16號高位21.3銀到3月15號低位10銀,呢段跌幅之間嘅76.4%反彈位18.6銀,止蝕位14.3銀左右。
  另一隻都有做打邊爐業務嘅九毛九(09922),日線圖走勢同海底撈差唔多,都係跌到3月15號低位後反覆向上,今日早段再整支大陽燭,曾升超過7%。雖然近期股價走勢唔錯,但要留意今日早段升到20.6銀後有啲阻力,呢個位亦係2月中嘅高位密集區,2月22號亦曾經衝高21.69銀後急速回落,博客推斷九毛九喺20銀樓上嘅阻力都唔細,短線值博率唔太高。
  重磅餐飲股百勝中國(09987)買一手50股都要萬幾銀,當然比較貴。不過,百勝中國本身有KFC同Pizza Hut呢啲大型連鎖店嘅業務,相對海底撈、九毛九等穩定,依家又憧憬中美關係改善,喺美國有上市嘅百勝中國亦有些微幫助。喺日線圖睇,股價今個月初反彈到高位378銀水平後回落,到303.2銀就有支持。10天線開始拗番上去,而20天線升勢保持,短線應該仲有得升。喺低位買咗嘅朋友,可以喺370銀開始食胡,跌穿300銀就止蝕。
  最後,博客都要提提大家,雖然依家上海逐步恢復堂食,但疫情嘅嘢始終反覆,香港近排確診數字又升番,唔排除上海、深圳等主要城市又爆過,到時收緊番防控措施,餐飲股會遭殃,部署上唔好諗得太長線,記住做好止賺同止蝕呀!

《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
1分鐘學投資
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力