RSS訂閱 《笑傲缸湖》盈盈阿嫲成日叫Ｄ後生唔好「毋忘初衷」，就係叫人要「堅持」！仲要唔好順
住個潮流走，創造屬於自己想見到嘅「新時代」咁話喎。
臉書（Ｆａｃｅｂｏｏｋ）ＣＥＯ朱克伯格（Ｍａｒｋ Ｚｕｃｋｅｒｂｅｒｇ）就宣布，
話要將臉書嚟個「大改革」！動態時報（Ｎｅｗｓ Ｆｅｅｄ）內容要以「家庭、親朋」為先！
事關目前Ｄ Ｐｏｓｔ太多商業品牌廣告，同埋五花八門嘅資訊啦，好似之前臉書仲變成
２０１６年花旗國大選，侵侵競選時嘅「秘密工具」添呀，搞到好多用戶都投訴，睇少咗好多朋
友嘅Ｐｏｓｔ。
朱克伯格終於跪低，話要扭轉呢個局面，仲要ｍａｋｅ ｓｕｒｅ臉書係可以帶畀人有幸福
感，所以就決定嚟個「大改革」，令每位用家「碌」（翻閱）臉書個陣時，都可以變得更有價值
呀，加強朋友、親人嘅消息，總之就係希望用戶可以參與更有意義嘅社交互動。
盈盈以前都係臉書嘅忠實粉絲，但之後覺得睇來睇去都係Ｄ廣告，商業資訊，愈來愈難睇到
朋友家人嘅分享，已經變晒質，所以都玩少咗好多。今次朱仔肯跪低，決定改番以親朋戚友嘅
Ｐｏｓｔ為先，盈盈就決定信多佢一次喇！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
