RSS訂閱 《笑傲缸湖》虛擬貨幣成為世人熱話，雖然比特幣（Ｂｉｔｃｏｉｎ）由瘋狂上升轉為平靜
咗落嚟，但仍然周不時可以聽到「其他虛擬貨幣創新高」，「唔少公司開發自己嘅虛擬貨幣」之
類嘅新聞。咁其實，虛擬貨幣投唔投資得過呢？盈盈都答唔到，淨係見到唔少公司除咗虛擬貨幣
，同時亦開始投資於區塊鏈技術，而著名大鱷索羅斯（Ｓｏｒｏｓ）亦都插手埋一份！
有探子話，索羅斯近日插手一項虛擬貨幣技術。事關以太貓實驗室（Ｅｔｈｅｒｅｕｍ
Ｃｒｙｐｔｏ Ｋｉｔｔｉｅｓ）已經完成７０００萬美元融資，而今次嘅融資由索羅斯嘅量子
基金領投。
以太貓實驗室就係「雲養貓」開發者，所謂雲養貓，就係大家喺網絡度養虛擬喵星人（貓）
，所有玩家都可以拍賣同購買虛擬貓，但交易就要以以太幣進行，玩家亦可以利用以太坊區塊鏈
繁殖新嘅小貓。每隻小貓都有２５６組基因，所以每隻小貓嘅基因組合獨一無二，令到呢Ｄ貓仔
有價有市，可以賣到唔同價錢。遊戲推出時，設咗１００隻「創始貓」，其中１８號貓身價最高
，曾以接近１００萬港紙成交。唔知索羅斯係咪從中睇得出一Ｄ隱藏嘅商業價值呢？
不過，今次唔係索羅斯首次投資區塊鏈技術，之前花旗國在線零售商Ｏｖｅｒｓｔｏｃｋ亦
得到索羅斯量子基金投資１億美金，其中一部分用於區塊鏈相關公司發展基金，另一部分就用喺
發展使用比特幣嘅電商平台。
之前有傳美圖（０１３５７）亦想搞區塊鏈技術，軟實力（００１３９）亦都打算發展相當
技術，究竟虛擬貨幣會唔會終有日成為生活必需品呢？大家拭目以待啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
