RSS訂閱 《笑傲缸湖》ＡＩ（人工智能）係個好Ｈｉｔ（熱門）嘅話題，除咗用來炒股外，仲可以用
嚟同動物傾計添呀！喺地球嘅另一邊，就有頂尖科學家預料，喺未來１０年之內，人類就可以以
ＡＩ理解到動物嘅Ｌａｎｇｕａｇｅ啦！
花旗國北亞利桑那大學有位教授，名叫斯洛博奇科夫（Ｓｌｏｂｏｄｃｈｉｋｏｆｆ），收
集咗足足成千上萬種狗狗嘅吠聲，同埋狗狗郁動嘅Ｖｉｄｅｏ Ｃｌｉｐｓ，想話成功解讀狗狗
嘅溝通方式呀。
舊年有研究人員仲發現，ＡＩ仲可以分析動物嘅情緒添，就例如根據羊咩咩嘅面部表情，就
可以知道佢地嘅心情啦，而農夫就可以察覺到Ｄ羊咩咩係咪患病，咁就可以及時診症醫治，防範
未然啦！適當地利用ＡＩ技術，真係可以造福人群呀。
另外，Ａｍａｚｏｎ有位研究人員就曾經講過，相關嘅Ｓｅｔ－ｕｐ或者唔到１０年就可以
完成研發程序啦！加上從而家Ｄ人喺寵物身上所花嘅使費嚟睇，呢門技術嘅「孖屐」其實相當大
，仲話若要成事的話，就要睇下搵唔搵到「金主」啦！
如果呢項技術有新突破，盈盈就可以知道愛犬嘅生活需要；又如果ＡＩ可以傳達到盈盈嘅心
聲畀愛犬聽的話，愛犬或者可以好似人咁樣學懂思考，話唔定仲可以同佢開心Ｓｈａｒｅ生活點
滴啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
