RSS訂閱 《笑傲缸湖》好多人都好似盈盈咁勁想做明星，有Ｄ人甘願用晒成副身家，自資出碟、拍
ＭＶ等，都係想一圓名星夢。不過吓吓都要用錢，所以盈盈深明，做歌手前第一步，一定要發咗
達先。
依家機會又嚟喇！最近花旗知名虛擬貨幣對沖基金Ｐａｎｔｅｒａ估計，比特幣
（ｂｉｔｃｏｉｎ）有機會喺６５００美金已經見底，仲話一年內可能會突破２萬美金添！如果
係咁，盈盈豈不是可以學「ＣｏｉｎＤａｄｄｙ」咁，搵到第一桶金後做明星？
呢個「ＣｏｉｎＤａｄｄｙ」係何許人也？其實佢都係一個因為買Ｂｉｔｃｏｉｎ而發達嘅
人，據探子話，呢名２８歲名為Ａｒｙａ Ｂａｈｍａｎｙａｒ嘅男人，因為Ｂｉｔｃｏｉｎ賺
到過百萬美金之後，轉而成為ｒａｐｐｅｒ，專ｒａｐ一Ｄ同虛擬貨幣有關嘅歌，係三藩市最出
名嘅比特幣ｒａｐｐｅｒ。佢嘅作品包括《Ｔａｌｅｓ Ｆｒｏｍ Ｔｈｅ Ｂｌｏｃｋｃｈａ
ｉｎ》、《Ｃｒｙｐｔｏ Ｌｉｆｅ》、《Ｂｌｏｏｄ Ｖｓ Ｃｒｙｐｔｏ》，全部都同虛擬
貨幣或區塊鏈有關。
呢名Ｃｏｉｎｄａｄｄｙ畀投資者嘅建議係「持有就可以了」，而Ｐａｎｔｅｒａ行政總裁
兼聯合首席投資總監Ｄａｎ Ｍｏｒｅｈｅａｄ亦建議投資者可以「買入」Ｂｉｔｃｏｉｎ，缸
友們你哋又點睇呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
