RSS訂閱 《笑傲缸湖》唔少名人嘅脾氣都係難以捉摸，而鋼鐵人馬斯克（Ｅｌｏｎ Ｍｕｓｋ）嘅脾
氣就真係怪中之最啦，最新佢竟然因為一個稱呼而大發雷霆！
馬斯克最新喺Ｔｗｉｔｔｅｒ發文，話自己唔喜歡「億萬富翁」呢個標籤，因為佢覺得呢個
標籤有一種貶低同詆毀嘅意思，而佢就只係覺得自己公司規模唔同咗啫，言談間好似絲毫唔當自
己坐擁２００億美金淨資產係咩一回事！
未幾，有網民回應，話覺得億萬富翁呢個字無咩貶唔貶義，馬斯克覺得係貶義無非係因為佢
四出搜刮咗唔少金錢！結果馬斯克「龍顏大怒」，反擊話自己直接創造咗５萬個就業機會，又為
零件供應商等行業提供２﹒５萬個工作就業機會，反問網民自己又做咗咩？唔知呢位網民有無覺
得唔開心豬呢？
不過，又唔好以為馬斯克係極度囂張嘅富豪，近日佢因為研發救人潛水艇打算去泰國救少年
足球隊，被網民讚揚佢嘅舉動，馬斯克謙虛地話自己咩都無做，話呢ｄ只係其他人嘅功勞。或者
以後，大家最多唔叫馬斯克做億萬富翁，稱呼佢做超級英雄或者佢會開心得多呢！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
