RSS訂閱 《笑傲缸湖》負責遠東發展嘅俄羅斯（羅宋國）部長科茲洛夫（Ａｌｅｘａｎｄｅｒ
Ｋｏｚｌｏｖ）喺佢嘅ＩＧ上面搞咗一個神秘抽獎遊戲，所有追蹤兼留過言嘅人，只要ｔａｇ一
個朋友就可以參加架啦。而連日以嚟，佢已經收到近８０００個ｃｏｍｍｅｎｔ，一啲人就認為
獎金是同部長佢食ｌｕｎｃｈ，另一啲就估係部長提前退休。不過，佢地統統估錯哂，根據羅宋
國政府嘅遠東公頃計劃所提及，呢個大獎已經證明咗係提供一塊免費嘅地，而呢個計劃旨在向任
何希望喺當地定居或者工作的公民，提供最多一公頃嘅土地，以緩和西伯利亞嘅農村人口減少嘅
問題。
可惜呢個提議網友負評不斷，有人埋怨呢個活動冇考慮到真正有需要嘅人。又有人表示，部
長應該致力解決遠東地區嘅新移民遇到嘅問題，由基本道路同電力完善設備開始，不過部長就堅
稱自己無因此而ｍｉｓｓ咗任何有需要人士嘅申請表格咁話喇。
２９歲嘅Ｇａｌｉｎａ Ｓｏｒｏｋｉｎａ聽到自己贏咗塊地，表示好驚訝，仲未決定點樣
處理佢新贏得嘅地咁話。而正確估中獎品嘅其餘１３個參賽者就獲得官方遠東發展部嘅徽章一個
，而部長仲應承向所有參賽者寄出親筆簽名嘅明信片添。
當地政府認為，即管土地計劃出現咗一啲小問題。不過，佢依然喺穩步發展中。其實自從
２０１６年呢個計劃推出以嚟，已經有約７萬人喺遠東定居。
睇嚟港人除咗學電視台肥媽「走上大灣區」之外，又多一個移居選擇啦！
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
