RSS訂閱 《笑傲缸湖》聽講鐘意用咩社交平台會直接反映一個人嘅年齡，明明幾年前仲有好多人用
Ｆａｃｅｂｏｏｋ（ＦＢ），但宜家好多００後淨係識用ＩＧ同Ｓｎａｐｃｈａｔ，覺得常用
ＦＢ嘅人係「老餅」。難怪最近花旗國金融服務公司Ｃｏｗｅｎ嘅調查發現，
Ｉｎｓｔａｇｒａｍ（ＩＧ）廣告深受針對後生仔嘅品牌青睞，電視廣告已經ｏｕｔ咗。
調查顯示，超過六成針對１３至３４歲年輕人嘅品牌都優先選擇喺ＩＧ落廣告，盈盈都成日
睇到ＩＧ啲化妝品廣告就忍唔住去買；其次就係Ｙｏｕｔｕｂｅ╱Ｇｏｏｇｌｅ影片同
Ｓｎａｐｃｈａｔ，仲會揀電視廣告嘅只係得３巴仙。不過，針對３５歲以上人士嘅品牌，就依
然多數以電視廣告作招徠。
ＩＧ早喺２０１２年被ＦＢ收購，兩個社交媒體同屬一間公司，但發展前景截然不同。過去
一年，ＦＢ被個人資料洩露醜聞纏身，股價急挫，創辦人朱克﹒伯格（朱仔）亦成為身家縮水王
，不過，ＩＧ就冇被ＦＢ陰霾影響，大部分廣告商更加表示會加大ＩＧ廣告投放額。
Ｃｏｗｅｎ估計，ＩＧ廣告收入仍然會持續增長，更可以幫助佢阿媽ＦＢ開拓後生仔「孖屐」。
盈盈就話做人定開公司，長線投資都好重要。有分析師話，ＩＧ作為一間獨立公司，佢嘅最
新估價高達１０００億美元，係ＦＢ當年１０億美元收購價嘅１００倍！ＩＧ發展得咁成功，但
七年前已經識得收購ＩＧ嘅ＦＢ先係真正贏家！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
