RSS訂閱 《笑傲缸湖》喺一系列詹士邦電影入面，主角詹士邦為左逃避敵人追殺，除左喺陸地飛車之
外，仲周不時上天下海，ｆａｎｓ都睇到好過癮。其中電影《Ｔｈｅ Ｓｐｙ Ｗｈｏ
Ｌｏｖｅｄ Ｍｅ》（《鐵金剛勇破海底城》）入面砵砵車潛落水底變潛艇嘅一幕，好快就會成
為現實啦！
喺呢套戲入面其中最深刻嘅一幕，莫過於詹士邦喺逃離敵人揸住直升機嚟追殺，然後好型咁
問一問隔離嘅邦女郎「你識唔識游水？」，就揸車衝左落大海。四個車轆換左兩對翼，喺水底入
面暢通無阻。
咁有勇氣嘗試而又有能力整到呢架車嘅，睇嚟除左電動車生產商Ｔｅｓｌａ都無咩公司會做
到。Ｔｅｓｌａ噚日舉行股東大會，有股東就問總裁馬斯克（Ｅｌｏｎ Ｍｕｓｋ），將來會唔
會整到架水底砵砵車。估唔到佢又真係有認真諗過，仲諗過個設計會同１９７７年套電影
《Ｔｈｅ Ｓｐｙ Ｗｈｏ Ｌｏｖｅｄ Ｍｅ》入面嘅海底砵砵車Ｗｅｔ Ｎｅｌｌｉｅ咁樣
。
馬斯克仲話，要生產一部海底砵砵車目前喺技術層面上係可行嘅，又話雖然「孖屐」呢方面
嘅需求唔大，但絕對係個好令人期待嘅計畫。不過，Ｔｅｓｌａ最終可能都係整架用嚟展示嘅海
底砵砵車，未必會真係賣比人。睇嚟未必個個戲迷都有機會變身成為詹士邦啦∼
但係可以見到入水能遊、出水能走嘅水陸兩用砵砵車，盈盈都好心滿意足啦，希望馬斯克可
以快啲找數，滿足我地一班劇迷嘅幻想啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
