RSS訂閱 《笑傲缸湖》世界各地都開始迎接５Ｇ潮流，據指５Ｇ上網速度係４Ｇ四、五倍以上。而且
，由於５Ｇ波動屬定點轉發，如果基站起好曬之後，接收可能比４Ｇ更穩定，所以個個都想轉用
。據泡菜國媒體報道，喺５Ｇ登陸６９日後，泡菜國５Ｇ用戶已經破百萬，速度比起當年４Ｇ更
快！
據估計，泡菜國５Ｇ用戶有望喺今年年底前，突破４００至５００萬戶，平均每日有兩萬人
轉用５Ｇ！其實呢個速度真係較預期快，原本百萬目標係ＳＥＴ喺今年年底，而家提早突破，係
咪要開香檳慶祝？
點解泡菜國個個咁快手轉呢？有分析認為，同電訊商大幅補貼有關。例如而家一部５Ｇ嘅Ｌ
Ｇ手機，泡菜國當地賣緊８３００蚊港紙，但只要你買佢地嘅月費計算，買機已經可以平一半！
有部分電訊商重要玩「真．零機價」出台，真係一蚊都唔使出，就可以拎部新機返屋企，咁當然
係要簽幾年合約啦！
早前有記者去當地做過測試，用嘅係三星Ｓ９（４Ｇ）對比Ｓ１０（５Ｇ），實測速度係４
７ Ｍｂｐｓ同１９３ Ｍｂｐｓ。下載一個２ ＧＢ遊戲，一個用接近六分半鐘完成，一個就
用差不多兩分鐘。盈盈覺得啦，可能男用家換機需求比較大，因為「澳門首家線上賭場上線啦！
」係需要一定程度嘅網速嘅，好似係。
呢個時候，內地媒體都要出嚟講兩句﹒﹒﹒﹒﹒﹒目前泡菜國僅部分地區可以上到５Ｇ網絡
！咁點解泡菜國５Ｇ點解增長得咁快？內媒解釋就話，因為泡菜國５Ｇ基站興建速度比預期快，
而華為更加係當地５Ｇ基站嘅設備供應商！所以華為功勞好大咁話喎！嗯，一定係，除非唔係。
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
